اكسسوارات بتخليك أشيك من أى راجل تانى

مروان حازم


الاكسسوارات هى العنصر الى بيكمل اى طقم من 80% ل 100% و طبعا بما ان احنا بنحب نبقى شيك طول الوقت فا انا هقدملكم الاكسسوارات الى الراجل مينفعش يستغنى عنها فى دولابه ابدا.

أولا: الساعة:

s.jpg


الساعة ى واحدة من اهم و ابرز الاكسسوارات الى لازم تكون عندك و ارجوك ماتقوليش انك بتعتمد على ساعة الموبايل لانها لا يعتمد عليها اصلا و لو عايز تبقى شيك فعلا يبقى لازم تلبس ساعة و تتعود عليها و طبعا مش اى ساعة و خلاص انما فى فن لاختيار الساعة المناسبة للطقم المناسب بس انا هسهل عليك الموضوع اولا الساعات المعدن للبس الكاجوال فقط متلبسش ساعة معدن مع بدلة ابدا و لا ساعة جلد مع طقم كاجوال بيبقى شكلها عك اوى الصراحة و لكن الساعات المعدن بتبقى للاطقم الخفيفة الى ممكن تلبسها كل يوم اما لو بتلبس بدل خد المعلومة دى بقى الساعات السودا بتليق على البدل الرمادى و السودا (طبعا) و الكحلى فقط اما الساعات البنى بتليق على البدل الكحلى و البنى فقط يعنى متبقاش لابس بدلة رمادى و ساعة بنى ميصحش.

ثانيا: الحزام:

h.jpg

طبعا تانى اهم اكسسوار هو الحزام و دة بقى عنصر لازم يبقى فى دولاب اى راجل لانه لو مش فى دولابك يبقى متنزلش احسن, الحزام هو الحاجة الى بتربط اى بدلة ببعض مينفعش تلبس بدلة من غير حزام حتى لو البنطلون على مقاسك برضه البس حزام و الحزام زى الساعة بالظبط فى تنسيق اللون و يفضل الحزام و الساعة و الجزمة يبقوا لون واحد عشان متشتتش النظر لكذا درجة من نفس اللون لكن يبقى الطقم كامل و متكامل و متوافق مع بعضه.

ثالثا: المحفظة:

m.jpg

ناس كتير بتبقى فاكرة ان المحفظة هى شيئ ليس له وظيفة غير شيل الفلوس و دة اعتقاد خاطئ جدا جدا اولا المحفظة بتظهر فى لحظات مهمة جدا و بتعتبر واجهة للى شايلها يعنى مينفعش تيقى بتشتغل و لسة شايل المحفظة الى بسوستة و فالكرو دى تبقى كارثة و لكن لازم تبقى المحفظة جلد و شيك مش لازم تبقى غالية و لكن تبقى حلوة و يفضل طبعا اسود او بنى و تكون سادة يعنى بلاش النبيتى و جلد التعبان و الحاجات الغريبة دى لانها موضات لحظية و مش بتستمر فا اكيد مش كل موسم هتغير محفظة مثلا يعنى تخيل مثلا انت قابلت حد مهم و طلعت المحفظة الغريبة بتاعتك عشان تديله كارت مثلا تخيل انطباعه ايه مصيبة طبعا.

رابعا: نظارة الشمس:

n.jpg

و دى برضه عنصر مهم جدا لانها بتدى قيمة حلوة للطقم و برضه هكرر مش لازم تبقى غالية او ماركة لكن المهم انها تكون ملائمة لوشك و مش رخيصة اوى برضه عشان دى بتبقى مسلطة على جزء مهم فى جسمك و هو عينك و مع الوقت عينك هتتعب منها فا انت ممكن تجيب حاجة فى متناول ايدك و فى نفس الوقت شكلها حلو و مش لازم يبقى عندك 100 موديل ممكن واحدة او اتنين الا بقى لو دة كيف عندك انك يبقى عندك 100 نضارة مثلا.

خامسا: الدبلة:

d.jpg

جينا بقى للمخطوبين و المتجوزين و نقف بقى عند الدبلة لانها حاجة مهمة لانها بتمثل رابط بينك و بين شخص مهم ليك فا مينفعش يبقى شكلها وحش و بلاش الاشكال الى بتلمع زيادة عن اللزوم لانها مع الوقت بتتطفى و رونقها بيروح بسرعة فا كل ما تكون مطفية كل ما يكون افضل طبعا و تعيش معاك اطول و دلوقتى بقى فيه اكتر من 100 شكل فى المحلات مش مجرد شكل او اتنين و فا خد وقتك و قرر لانك هتلبسها طول عمرك يا باشا.

و بكدة انت تقدر تكمل الطقم و تخرج و انت مستريح و تبقى على سنجة عشرة كمان و بعد كدة الى يقولك الراجل ملوش اكسسوارات اديله فى وشه على طول بالمقالة دى.


شارك هذا المقال: