لكل واحد أمه مش معاه .. احتفل بيها على طريقتها

ساره وفير

و ما أجمل هذا الكائن "الأم" .. محبة؛ عطاء؛ تضحية؛ جمال؛ حنان؛ و حضن دافي يساع الكل و مفتوح للكلبلاحدود. و كل ده صعب يبقي موجود في اي كائن تاني غير لو كان "أم"
كنز من عند ربنا ببلاش و أي وصف يعجز تماما عن شرحه .. و بدون اي مقارنة او اي نزاع بتحتل دايما "هي" المركز الاول و الاخير في الحب اللا متناهي ليك ومفيش اي حب تاني في الدنيا يقدر يوازي اللي في قلبها ليك.

fd9fd8a5ff.jpg

ماما يا احلي الحلوين و اغلي الغاليين – مش هنعرف نتكلم عنك كتير عشان وصفك فوق الخيال إن احنا نحطه في شوية كلام.
و عشان في يوم مخصوص اتعمل عشانك رغم ان كل ايام السنة متكفيكيش -  و عشان كمان هيا النهاردة جنبك و معاك .. روح أجري بسرعة احضنها و بوس راسها و ايديها و قولها يعيشلي كل يوم بوجودك فيه و ادعي ربنا انه يزود فوق عمرها عمر تاني.

بس احنا النهاردة جايين نقول كلمتين يطبطبوا علي قلب كل حد فقد الكائن الغالي ده..


عايزنكوا تفهموا ان بسببكوا هي اخدت "لقب الأم" و ده اللي خالاها بدون اي نقاش او تفكير توصل بأمان لأحلي مكان في الدنيا.. مكان الامان و الراحة الحقيقية - مكانها الأصلي اللي بعيد عن الدوشة أو الزحمة أو عدم أمانأو الخوف أو القلق عليها في الدنيا اللي عايشين فيها دي.
و لو فاكر ان ببعدها عنك التواصل اللي مابينكوا اتقطع تبقي اكيد غلطان .. طرق التواصل معاها متقطعش ولا حاجة بس يمكن اتغيرت شوية
عارفة ان فراقها صعب و عارفة كمان ان صوتها و حضنها و وجودها حواليك واحشينك بس انا عندي دايما إقتناع تام ان الناس اللي بتسيبنا و احنا علي الأرض هما في الحقيقة موجودين لسة معانا و شايفننا بس ممكن نقول انهم موجودين في Dimension تاني هما يقدروا يشوفونا منه بس احنا لسة ربنا مداناش القدرة أو البصيرة ان احنا كمان نشوفهم زي ماهما شايفننا.. فا في شوية حاجات تعملها هتحسسك بقربها ليك و تهون عليك كتيرو يمكن كمان تعرف تحتفل بيها في اليوم ده.

2017-636198538989752408-975_resized.jpg


-    اول حاجة لازم تبقي متاكد انها عايشة و سامعاك و حاسة بيك بس من موطنها الأصلي

-    روح امسك أقرب صورة ليها عندك غمض عينيك و احضنها جامد و قولها كل سنة و انتي طيبة و بحبك يا ماما –عشان زي ماإتفقنا هي حاسة بيك و شايفاك و بتقولك من فوق و انت كمان

-    احتفل معاها في اليوم ده و انزل هاتلها ورد كمان و حطه جنب صورتها عشان هيا هتحس لو قصرت معاها

-    انزل اعمل اي حاجة ممكن تخلد بيها ذكراها و تخلي الناس تدعلها.

-    خلي الناس تشوف صورتها فيك عشان بكل بساطة انت امتداد ليها علي الارض– انت هنا حتة منها فخلي الناس تدعيلها لما يشوفوها فيك.

23927.jpg
مامتك عايشة .. بس فوق
عايشة في قلبك
و في مخك
 عايشة بذكريتها الطيبة اللي سايبهالك تعيش بها و تكملها
مامتك عايشة و انت عايش بدعاها ليك اللي هيفضل سندك و حمايتك
و عايشة بكلامها و تعليمها ليك اللي مهمتك علي الأرض انه يفضل جواك مهما عدا عليك زمن
و في كل مرة هتاخد صورتها في حضنك خليك واثق انها فاتحة دراعتها ليك بس من موقعها مكان الامان و الراحة بتتفاعل معاك


getImage.jpg

كل سنة و انتي طيبة مهما ان كان مكانك فين يا ست الكل .. هتفضلي عايشة في القلب كدة كدة
نسبكوا و نسيب كل واحد يستمتع بأغلي الناس علي قلبه مهما ان كان مكانه فين

و افتكروا ان كل الثقة و الحب و الامان و الدفا اللي عندكوا دلوقتي مبتادوش غير من حضن الأم
فكرموها و عظموها و ملكوها علي القلوب

و كفاية عليكوا انكوا هتفضلوا احلي الحلوين و اغلي الغاليين في عنيين الست الحلوة الغالية دي



"سلاما علي من رحلوا و و رحل من بعدهم جزء من الحياة – طبتم بالفردوس ايها الطيبات"



شارك هذا المقال: