إعلانات المهرجانات .. آخر حلاوة !

فريق راجل. دوت كوم


موسيقى واغاني المهرجانات طالعه موضه بقالها سنين والناس كلها كبير وصغير بتتعلق بيها وبتغنيها ، بس من فترة بدأت الموضة دى تتسلل للإعلانات التليفزيونية كمان وبشكل كبير ومع شركات كبيرة جداً فى السوق :

أورانج و لأ لأ :

أحمد امين ممثل ومقدم برامج ساخر إستغلته جملة أورانج إنه يغير كلمات المهرجان الشهير ( لأ لأ ) وتعمل حملة إعلانية كبيرة عن أحد أنظمتها الجديدة ..

فودافون شبرقة بعزقة :

أما فودافون فردت رد قوى جداً برضو بأغنية مهرجان ولكن المرة دى الأغنية اتكتبت واتلحنت واتوزعت علشان الإعلان مخصوص وكسرت الدنيا بأجمد مطربين شعبي فى مصر أحمد شيبة و أوكا و أورتيجا .

اتصالات رمضان :

اتصالات مسكتتش وبدأت تحضر بسرعة لقنبلة مهرجانات مختلفة وخدت نفس منهج اتصالات انها تعمل أغنية مخصوص للإعلان بس الجديد المرة دى إن اللى غناها مش مطرب شعبى لكن نجم كبير زى محمد رمضان اللى غناها بصوته ...

إديها حلاوة :

وبعيداً عن شركات الاتصالات بدأت العدوة تنتشر لباقي المنتجات والشركات وشركة ( البوادى ) عملت مهرجان برضو بعنوان إديها حلاوة تديك حلاوة ..

ياترى الموجة دى هتنتهي إمتى ؟ ولحد ماتنتهي مين أفضل شركة إستغلت الموضوع أحسن ؟


شارك هذا المقال: