بالأرقام .."المجرد" معلم اليوتيوب اللى عَلِم على نجوم كبار !

أحمد صلاح


لما تلاقى أغنية " غلطانة " احدث اغانى سعد المجرد عامله 15 مليون مشاهدة فى اسبوع لو جيت تقارنها مع اكتر اغانى عمرو دياب مشاهدة على اليوتيوب فى الالبوم الاخير " احلى واحلى " تلاقيها اغنية " راجع " وعملت 8 مليون مشاهدة وفى اربع اشهر .. يبقه أكيد هنا الحكاية فيها إنه !!!؟

المغربى سعد المجرد طالع زى الصاااروخ بسرعة رهيبة ماعملهاش اى مغنى عربى فى الوقت الصغير ده ..

unnamed.jpg

هوه تاريخيه أيه سعد المجرد دا ؟؟؟

على الرغم انه ماخدش لقب السوبر ستار سنه 2007 لانه كان المركز الثانى وزى ما بيحصل مع كل المغنييتن فى البرامج دى بانهم بيختفوا بعديها ومش بيلاقو منتجين لهم ده كان سبب اختفاءه وبعدها قرر سعد انه ينتج لنفسه وبالفعل عمل اول فيديو كليب له ( واعدينى ) الى صوره فى ولايه كاليفورنيا سنه 2009 وكان مقيم الفتره دى فى امريكا بيغنى فى الحفلات للجاليات العربية هناك .. وفى 2010 اعتقلته السلطات الامريكية ودا الى كتير ناس مايعرفهوش وكان فيه روايتين وقتها الاولى بتقول انه تعدى على بنت امريكية من اصل لبنانى والرواية التانيه هي بسبب عدم تجديد الاقامة هناك ..

المهم رجع بعديها المغرب وقرر انه يستقر هناك وعمل اغنيه اسمها "سالينا " بس كان انتشارها اكتر فى الخليج العربى وعمل اول البوم له اسمه " ولا عليك " سنه 2013 وده عمل نجاح كبير جدا فى المغرب وكان اشهر اغانى الالبوم اغنية "مال حبيبى مالو " وعملت 90 مليون مشاهدة على اليوتيوب ..

وبدأت شهرته الحقيقية سنه 2014 بعد اغنيه " انتى باغيه واحد " واكتسب شهرته بالاخص من الخليج العربى .. ومن بعدها سنة 2015 جات اغنيه " معلم " الى كسرت الدنيا طبعا وحققت اعلى مشاهدة على اليوتيوب لاغنية عربية ب 380 مشاهدة وبعدها اغنية بشرة خير لحسين الجسمى ب 181مليون مشاهدة

وطبعا ناس كتير شككت فى ان عدد المشاهدات الى بيعملها سعد دى بتكون غير حقيقية وبيعتمد على شركات متخصصة فى زيادة عدد المشاهدين ... وطبعا ده كلام فارغ

اغنية " غلطانه "

احدث اغنية لسعد نزلت على اليوتيوب من سبع أيام بس ومحققة لغاية دلوقتى 16 مليون مشاهدة ..


طيب السؤال هنا .. ازاى هوه بيعمل المشاهدات دى ؟؟ هل عشان قاعدة جمهورة دلوقتى كبيرة ومش مقتصرة بس على المغرب ؟؟ لا ده بيتسمع من كل انحاء العالم حتى من الامريكين نفسهم .. وده كان رد فعلهم وهما بيسمعوا اغنيه معلم

و ممكن يكون سبب نجاح الكليبات فى فكرتها وصورتها !!؟

وأكيد عدد المشاهدات على اليوتيوب بيعكس مدى نجاح الاغنية ..والشهر الأخير ده سمعنا فيه اكتر من أغنية حلوة تعالو نشوف ترتيبهم فين فى عدد المشاهدات


شيرين وحسام حبيب "كل ما أغنى "  4 مليون مشاهدة فى 14 يوم 

كاظم الساهر " عيد العشاق " 3مليون مشاهدة فى 9 أيام


اليسا "ملكة الاحساس " 1.5 مليون مشاهدة فى 21 يوم


حسن الشافعى واحمد شيبة " 6 وشوش " 2مليون مشاهدة فى 7 أيام


محمود العسيلى " ياناس " 1 مليون مشاهدة فى 10 أيام

موضوع هيعجبك

Coca-Cola Ice bottle .. جرب علشان متندمش


شارك هذا المقال: