أنا "ليوناردو دي كابريو" ودى حكايتى مع الأوسكار .. " راجل " يا ليو

عمرو موسى

كل سنة فيه ممثليين مشهورين بيكسبوا وممثلين مشهورين بيخسروا والمنافسة دايما موجودة, أمال إيه الحكاية المرادي مع ليو؟

●    ليو بيترشح بقاله أكتر من 20 سنة واترشح 6 مرات لكذا جايزة عن أفلام What's Eating Gilbert Grape, The Aviator Blood Diamond, The Wolf of Wall Street ولا مرة قدر يوصل للمرحلة الاخيرة ويفوز لدرجة إن عدم فوزه بقيت من أشهر النكت وال Memes علي الإنترنت السنين اللي فاتت
 
●    اتعرض ليو لظروف تصوير غير آدامية في تصوير The Revenant منها التصوير في غابات في درجات حرارة تحت الصفر, التعامل مع جثث حيوانات, التعامل مع الدببة, أكل غريب زي إنه إضطر في مشهد إنه ياكل حتة من كبد بقرة ني! حاجات ميستحملهاش غير راجل بجد

the-revenant-449411l.jpg



●     التصوير استمر أكتر من 7 شهور, لإنه كان بيتم مع ضوء الشمس بس, ومستخدموش أي ضوء خارجي

●    بعد كل الحاجات دي, الناس مكنتش عارفة دي كابريو ممكن يعمل إيه تاني عشان يفوز, ولا هيا الأكاديمي مسقصداه بقي ولا إيه, خصوصا إن مخرج The Revenant هوا اليخاندروا جونزالس اللي واخد أوسكارز مرتين قبل كده, آخر مرة السنة اللي فاتت عن فيلم Birdman, بس الحقيقة اللي محدش يقدر يختلف عليها طول فترة دي إن إصراره كل سنة كان بيبقى زيادة عن السنة اللي قبلها, كان ممكن يتجه للهلس زي ما ممثلين كتير في هوليود بيعملوا

alejandro-inarritu-revenant-super-169.jpg


●    وجود كيت وينسليت في الحفل وتشجيعها الزيادة ليه لدرجة إنها دمعت وهو بيقول خطاب الفوز, ليو وكيت أصدقاء من سنة 1997 لما عملوا مع بعض تيتانيك ومن ساعتها وهما محافظين علي 'صداقتهم', صرحت كيت بعد الحفلة إنها مبسوطة ليه جدا بس هتبقي مبسوطة أكتر لو قرر يتجوز عشان هيا حاسة إنه هيبقى زوج وأب عظيم, شغل ستات يعني وبتلبس الراجل شكلها كده!


leonardo-dicaprio-kate-winslet.jpg


شارك هذا المقال: