5 صفات مميزة لراجل برج الأسد

أحمد رحال

برج الأسد من الأبراج النارية المعروفة بقوة الشخصية و التميز و رجالة برج الأسد هم مواليد 23 يوليو الي 22 أغسطس ودا راجل مميز جداً معروف من وسط رجالة بقية الأبراج التانية ودا طبعاً بسبب المواصفات الللي هقولك عليها بس لازم تعرف الأول أن من مشاهير هذا البرج رشدي أباظة و أرنولد شوارزنجر و فريد شوقي و نابليون بونابرت و طبعاً طبعاً نجمنا المحبوب تامر حسني !

كله حماس ونشاط بس بيحب الناس تخدم عليه !

10407458_870923332948098_972179449160160648_n.jpg

راجل الأسد كبرج ناري بيحب الحرجة والخروجات والأفعال اللي فيها فرك كتير تلاقيه بيعمل أكتر من مشوار في اليوم ولكن فى نفس الوقت لو هو في مكان فيه ناس مش بيعمل حاجة و يخلي اللي حواليه هما اللي يخدموه أسد بقى وملك الغابة !

طماع و طموح و عاوز نصيب الأسد 

unnamed-2-.jpg

طبيعي أن الأسد يبقى عاوز نصيب الأسد يا جماعة ! في رجالة الأسد من أكتر الرجالة الطموحة في العمل و الحب و الحياة فبيكون عاوز شغل كويس و فلوس كتير و حبيبة مخلصة و بتسمع الكلام , عاوز كل حاجة يعني و دا مايمنعش حتة الأنانية وانه بيفضل نفسه على آي حد و آي حاجة !

بيقدر الجمال و الحلاوة وبيلعب بديله

omar2-capt.jpg

راجل برج الأسد ذوقه حلو في كل حاجة خاصة لو تعلق الأمر بالستات فهو صاحب ذوق رفيع و بيقدر الست الجميلة و يدلعها ولكنه متعدد العلاقات النسائية و ملوش أمان , ما أنت أكيد لو عندك ديل زي الأسد أكيد هتلعب بيه !

مغرور ولكن ثقته في نفسه مهزوزة 

unnamed-3-.jpg

بالرغم من الثقة بالنفس والغرور اللي بتظهر على راجل برج الأسد أول ما تقابله إلا أنه من جواه مهزوز شوية و مش عنده ثقة كاملة في نفسه و غروره دا بيكون رد فعل عن عدم الثقة و ساعات بيلجأ للتحوير عشان يثبت انه كامل فرغم علاقاته المتعددة ممكن كمان يبالغ و يحور عشان يبين للحواليه أنه جامد ومسيطر !

مش بيبخل في العطاء بس بيزهق بسرعة 

domain-9d96ca29d4.jpg

دا بيظهر خاصة فى العلاقات فتلاقي راجل برج الأسد بيعطي بلا حدود في أول العلاقة و بعدين هوب يزهق مرة واحدة و يبطل يعطي آي شئ عشان كدا علاقات راجل الأسد مش بتستمر كتير و مش مستقرة طبعاً الكلام دا يخالف لو في علاقة عميقة شوية أو مع بنت من برج متوافق مع راجل الأسد زي بنت من برج الأسد أو الحمل . 


شارك هذا المقال: