بسبب أحمد فهمى .. 5 تغييرات هتحصل لمراتك !

دينا حشيش

في كارثة حقيقية بتحصل في مسلسلات رمضان السنة دي ومحدش واخد باله. تقريبا معظم الرجالة المتزوجة خاينين، والكارثة إن كلهم متجوزين ستات حلوة. عندك فتحي عبد الوهاب زوج إنجي المقدم في مسلسل لا تطفئ الشمس، آسر يس برضه زوج إنجي المقدم في مسلسل ٣٠ يوم، أحمد فهمي زوج مي عمر في ريح المدام وأحمد فهمي زوج نيللي كريم في مسلسل لأعلى سعر.

لكن مع كل الصدمات اليومية اللي ستات مصر بتاخدها في الجان المفضل بتاعها، حتي الأن أخطر خاين في ٢٠١٧ هو أحمد فهمي في مسلسل لأعلي سعر. من ساعة ما نيللي كريم إتخانت وستات مصر كلها منهارة على السوشيال ميديا ومفيش رجل إلا لما شتموه وبهدلوه.

8888.png

الحقيقة هي إن ستات كتيرحاسه إن قصة تضحية نيللي كريم مشابها لجوازتهم لما وقفوا وإستجدعوا مع رجالتهم في أول المشوار ونسيوا نفسهم في الطريق. ياترى لوتخنت من الخلفة هتتخان علشان واحدة أحلى؟ طيب ممكن تتخان من صديقة عمرها وتحاول تسرق زوجها؟ والحجاب والنقاب؟ هل ممكن يقفلوا الرجل منها؟ معقولة ينسى أو يتناسى وقفتها معاه؟ ده غير اللي سابت شغلها ومستقبلها فاكره إن تفرغها لزوجها هو الحل وشويه وعايرها إنها فاضية وتافهة.

وبالتالي الرجالة لازم تتوقع الخمس التغييرات دول في شهر رمضان:

الشك:

متستغربش الأسئلة المبالغ فيها. رايح فين؟ جاى منين؟ العشردقائق اللي عدوا من ساعة مكلمتني من تحت البيت لغاية مطلعت كنت مع مين؟ أحمد فهمي هو اللي عملها فيكوا.

333333.png


محاولات مراقبة:

في حلقة إمبارح نيللي كريم قامت بعمل بطولي بالنسبة لستات كتير إتخانت. عرفت توصل تليفون جوزها بالأيباد وقرت رسايل بيبعتها لحبيبتة وهوقاعد قدامها بيدلعها. مشهد مؤلم وللأسف إنتوا اللي هتتدفعوا تمنه. كل مصر دلوقتي بتخطط هتوصل تليفونات الرجالة إزاي. ده غير مشهد مكالمة الجواهرجي أما عرفت إنه جايب سلسلة لست. نيللي وعت الستات وهتتجابوا مهما عملتوا.

44444.png


التحفز للأنتيمة:

قالك مفيش صاحب يتصاحب وياريت نيللي صدقت من بدري. خيانة زينا لنيللي زرعت الشك جوه قلوب مصر كلها، رجالة أو ستات.

A3LA1.jpg

كراش دايت:

كله بيراجع حساباته ووزنه. لو مش علشان الخيانة فعلشان الواحدة إبتدت تلاحظ إنها ممكن تكون فعلا نسيت إهتمامها بنفسها. طبعا في الأول هيكون في جو عند ونظام اللي عاجبه ويوريني بقى لو عرف يخوني، بس التراجع هيكون سريع والدايت هيكون مؤلم والفطار في رمضان هيبقي سوتيه. متلوموش غير أحمد فهمي.

_640x480_1aeecd95ca7548a8bdc56b52be5f854ebcc52a2ab49e150573f4252387a5f434.jpg


كله هيرقص بالية من تاني:

طبعا إحنا كلنا مكناش بنرقص بالية أولاني علشان نرجعلوا تاني. البالية هو شغل الست وحياتها وإهتماماتها الشخصية ووقتها اللي هو بتاعها هى وبس. فتوقعوا يا رجالة إن هيتقالكوا اقعدوا شوية مع العيال على مترجع من مشوارها وتوقعوا إنهم مش هيبقوا في البيت مستنينكوا أما ترجعوا من برة.

888.png

معلش إستحملوا، ومتلوموش غير أحمد فهمي.


شارك هذا المقال: