6 حاجات لازم تعرفها قبل الارتباط بمحامية !

أحمد رحال

المحاماة من المهن الصعبة للغاية , ومن يقرر العمل بهذة المهنة يعرف أنه يضحي بكثير من مميزات الحياة العادية لذلك فهو أو هي أصحاب شخصيات مميزة تعشق التحدي و تكره النمطية و الروتينية و تحب التجديد و هي كلها عوامل تجعلك تنجذب لشخصية المحامية في أول الآمر ولكن أحذر وخد بالك كويس من شوية الحاجات اللي هقولك عليهم قبل ما تأخد خطوتك الأولى .

مشغولة 24 ساعة  

unnamed.jpg

المحامية تلفونها لا يتوقف عن الرنين , لأنها طوال الوقت مشغولة بمتابعة و تخلص قضايا الموكلين فهي في الصباح في المحكمة و بالليل في مكتبها و لما تكون في البيت تتوقع أن يرن تلفونها آي وقت حتى 4 الفجر لكي تدخل لأنقاذ موقف أو شخص مقبوض عليه !

بالتأكيد هذا جزء من عملها النبيل كمحامية و لكن أذا كنت لا تعمل بالمحماة مثلها فلم تستطيع السيطرة على قواك العقلية !

فاهمة الدنيا أكتر منك 

unnamed-1-.jpg

بالتأكيد كونك مرتبط ببنت فاهمة الدنيا و مش بيضحك عليها دا شئ كويس بس لو محامية فتأكد أنها فاهمة الدنيا بزيادة أوي لأنها بتتعامل مع آي حد من أول الحرامي و المجرم حتى وكلاء النيابة و القضاة فيعني تقدر تسيطر وتتعامل مع آي حد فلو أنت مش محامي و سيطرة هتروح في الرجلين يا معلم ! 

كبرياء الروب الأسود 

unnamed-2-.jpg

بس يا سيدي آي بنت ترتدي الروب الأسود كمحامية بيكون عندها كبرياء و إيجو كدا صعب السيطرة عليه وبيكون أحساسها بنفسها و قوتها مرتفع و دا بينطبق على الراجل أو الست اللي بيشتغلوا في مهنة المحاماة على فكرة ! 

كل حاجة لها مبرر و هي صح على طول الخط

unnamed-5-.jpg

المحامي أو المحامية عندهم قدرة كبيرة على قلب الحقائق وجعل الباطل حق والحق باطل !
هي دي الشغلانة يا معلم أن كل حاجة لها مبررات وتقدر تكون هي الصح على طول الخط وانت طبعاً الغلطان يعني من الأخر مش هتعرف تأخد معها لا حق ولا باطل !

بتلعب بالكلام 

unnamed-3-.jpg

مش هتسلك معاه في الكلام يا كبير ! الكلام دا لعبتها فمن الأخر هي هتعمل اللي في دماغها و لو حصل نقاش ما بينكم حولين آي حاجة تأكد أنها هتكسبه , لأنها مش بتعمل حاجة في شغلها غير الكلام و برمجة البني أدمين !

هتجرجرك فى المحاكم و سيطرة مع الحكومة

unnamed-6-.jpg

طبعاً مش هتقدر في يوم من الأيام تختلف معاها و تحصل مشكلة لأنها واصلة و تعرف كل الظباط في دايرتها و كمان فاهمة القانون كويس وهتجرجرك في المحاكم فعلي أيه كل دا فكر كويس قبل تقرر يا صاحبي !

- طبعاً الكلام دا هزار و مش كله حقيقي لأن في محاميات شاطرات جداً وبيعرفوا يظبطوا وقتهم و يصلوا ما بين حياتهم الشخصية و الشغل لأنهم شخصيات مميزة فعلاً وعندهم قدرة على التحدي و الوصول لهدفهم .


شارك هذا المقال: