علشان لبسك الصيفي يدخل فى كرشك !

أحمد صلاح

الايام اللى احنا عايشنها دلوقتى دى دايما بتبقى عصيبه عند اى راجل فى نفس الميعاد فى كل سنه , وقت دخول الصيف علينا واحنا بنبدأ نركن اللبس الشتوى فى الدولاب ونطلع اللبس الصيفى .. وهنا بتيجى اللحظه المحزنه عند 80% من الرجاله " اللبس الصيفى بقه ديق عليا " وشكله مسخره وكرشى طالع منه ..


نفس اللحظه بتتكرر كل سنه .. نفضل ناكل طول الشتا والجواكت والبلوفرات مداريه الكرش وانت ولا حاسس ..


الكرش ؟! هانعمل فيه ايه ؟!! هانقولكم شويه حلول عمليه وتكون سهله بعيد بقه اننا ننزل نجرى كل يوم ونعمل الرجيم القاسى وتمارين البطن اللى عمرنا ماهنعملها

نظم اوقات اكلك

food-clock-fruits-vegetables-white-background-concept-59357539.jpg
حاول يكون اكلك على 3 وجبات بس .. بلاش تاكل مابينهم يعنى ماتخلهومشى 4 او 5 وجبات وحاول دايما الفطار يكون قبل ماتنزل شغلك والغدا حاول تخليها متأخر لو هتنام بعد الشغل ولو مش هتنام خليها فى حدود الساعه 4-5 والعشا حاول تخليه بدرى يعنى بلاش اكل بعد الساعه 10 .. لان وجبه العشا دى هيا اكتر مسبب للكرش عشان مش بتعمل اى حركه بالليل


المايه

pouring-water_custom-44a0b74c621133392d1b3ee7f1ce7aad2e7e8b9a-s900-c85.jpg


انت بتشرب كام كوبايه مايه فى اليوم !! هتلاقى نفسك مش بتشرب اكتر من كوبايتين .. غلط جدا اشرب على الاقل 8 كوبايات وحاول تشرب كوبايتين قبل كل وجبه بنص ساعه دى بتملى بطنك شويه


الزبادى بالليمون

za.jpg
كوبايه زبادى قبل ماتنام اعصر عليها نص ليمونه الوصفه دى سحريه للكرش ومتجربه


الخضار والفاكهه

image001.jpg


لو انت ناسى الخضار والفاكهه ارجع افتكرهم وكل مع كل وجبه خضار يعنى خيارياه مع جزرايه وطمطمايه .. هتملى 30% من بطنك .. وخلى دايما الفاكهه بين الوجبات

اشفط بطنك

47499.jpg
وانت قاعد دايما وبعد ماتاكل بالاخص بلاش ترحرح اوى وتريح كرشك كدا .. حاول تشفط بطنك الشفط دا هيخليك ماسك عضلاتك وهتقلل من حجمه

بشويه الحاجات البسيطه دى.. مش هقول الكرش هينزل فى اسبوع بس على الاقل هتلاقى نفسك عارف تلبس هدوم الصيف اللى فات وهتلاقى تغير هيسعدك


شارك هذا المقال: