١٠ حاجات ماتفكرش تعملهم في ٢٠١٧

دينا حشيش

متابعة الموضة صعبة، بالذات للرجالة... إنت يا دوب ملاحق على المذاكرة، والشغل، والمصاريف، والجيش، وتكوين نفسك، وضغط مامتك وحبيبتك إنك تتجوز، ومصاريف مدارس عيالك، كمان هاتقعد تفكر إية أخر موضه في الجينزات والجزم؟

أكيد لأ. مش لازم تبقى ماشي على الموضة بحذافيرها، أصل الموضة بتتغير كل ٦ شهور، وظروفنا في مصر لا تتحمل صرف في الهوا، بس مش معنى كدة إنك تلبس أى حاجة تعدي قدامك. تعالوا نتفق إنك تلبس أى حاجة تريحك إلا العشر حاجة دول:

كروكس مع شراب

unnamed-1-.jpg

المنظر ده مقبول فقط لو إنت طفل عنده ٥ سنين في مدرسة، غير كده تأكد إنك بتنهي حياتك الاجتماعية والعاطفية.


الجزمة أم بوز

unnamed.jpg

بقت قديمة جدا وحتى لما كانت موضة للإسف إتعمل النسخة المضروبة منها اللي الرجالة مرحمتهاش على البدل.


البدلة اللميع

unnamed-7-.png

والله والله أقسم بالله ممكن تروح فرح لابس بدلة مطفية وتبقى شيك وسواريه.


أى حاجة عليها علامة ماركة كبيرة

unnamed-6-.png

برافو إنك جايب تيشرت بولو. شيك وعلى الموضة بس في مشكلة واحدة، الحصان اللي عمال يكبر على اللبس لغاية أما هيطلع منه صوت. نفس الكلام للكارو بتاع القمصان البيربري. خدها قاعدة، أي حاجة على اللبس بتقول أنا غالى بلاش منها، لأن معظم صحابك كده كده هيشكوا إنها مضروبة. الشياكة في البساطة.

تيشرت ضيق أوى على عضلات كبيرة أوي

unnamed-5-.png

هنشوف عضلاتك وننبهر برضة لو لابس واسع.


لو جسمك مش مناسب

shutterstock_75446557.jpg

قاعدة تانية ممكن تتبعها في الموضة، أى مقاس يبين كلابيظ، إشترى أكبر منه بمقاس أوإتنين.

دقن الرفاعي

unnamed-2-.png

لا كانت حلوة علي محمد رمضان، ولا حلوة على أي حد تاني. هي وحشة بشكل عام.

حلقة شعر مع تصميم رسمة

unnamed.png

مش عارفة لية بالضبط، بس هو بيديني إحساس بجو العصابات اللاتيني

حلقة الحاجب

unnamed-4-.png

دي مش بقى قدمت، دي من أيام فريق باك ستريت بويز.

السكيني جينز

unnamed-1-.png

مش معمول للرجالة. End of text.


شارك هذا المقال: