5 أسباب تخليك تشجع إيطاليا فى اليورو .. صواريخ بالجملة !

أحمد سامي
شارك هذا المقال:


مش هنجادلك كتير في الأمور الفنية و الكروية و أد ايه الأزوري بقي فرقة فاضية ولا مليانة , مرشحين للبطولة أو لأ , احنا هنديك 5 أسباب ليه بنشجع ايطاليا مهما حصل .

من فات قديمه تاه

5518d655-b23a-4f0e-a82c-f0ae6bd891fc.jpg
بص سيبك من الجيل اللي بدأ يتفرج علي كورة من 2005 ده .. احنا الأصل .. جنة كرة القدم .. أحفاد باريزي و أبناء مالديني .. منتخب ليه جذور يابني , في أوقات الشدة نستحضر الماضي و نستعيد روح الأجداد , مش منتخب لقيط زي أسبانيا ولا ليه تاريخ زي انجلترا ,لا ينافسنا في العراقة الا الألمان , لما بنبقي زهقانين بنجيب ماتشات ايطاليا في التمانينات و التسعينات و نتفرج , عارفين تاريخنا من أيام مالديني الأب , طب عمرك شوفت حد بيشجع اسبانيا يعرف حد قبل تشافي , أو انجليزي يعرف حد قبل بيكهام !

الجرينتا
احنا بنشجع فرقة عندها دم ياخوانا , ناس بتاكل النجيلة عشان فرقتها , مستوانا حلو ,وحش , بنقطع نفسنا عشان نكسب ! بنلعب كورة عشان رجالة , مش عشان سعر لاعيبتنا يزيد في دوري توم و جيري !

884d6779-5f09-4afd-a12c-31218aaba559.jpg

ولاد العم

501b54a99b5636f5f000bc2302013cb1_crop_north.jpg
طب بذمتك مبتحسش ان كيلليني ابن عمك , دي روسي ابن خالتك , ولاد منطقة واحدة , قرايب من أيام كليوباترا و أنطونيو , بلبطنا في نفس البحر الأبيض المتوسط ,نفس الحماس و الغيرة علي حريمنا , معندناش حد سايب مراته بتسرح في الكباريهات زي بيكيه , ولا أب واحد لكل أطفالنا زي تيري !

00e9dc63-ac3a-46fb-8a97-427bf96b48f1.jpg

ea6145b7-b7be-487b-b991-1500dc2d4a26.jpg


ملوك الأزياء

1573da27-457d-4426-b506-4ab8f969efb7.png

Tshirt فرقتنا بيصممه Gucci و Dolce & Gabbana ,مش التوحيد والنور زي الانجليز , بتبقي نازل تتفرج علي الماتش في القهوة متأنق و كأنك رايح أوبرا فيينا , تيشيرت لا يليق به الا وجبة بيتزا فاخرة , مش كباية شاي و علي الحساب !

الصاروخ

15b28c22-689f-4abd-84c0-30cae31ec4d4.jpg
أخيرا , مش عارف ايه العلاقة بس once انك تسمع النشيد الوطني للمنتخب الأزوري و لا يأتي في ذهنك الا صورة طيبة الذكر مونيكا , حبيبة قلب الشباب , وده سبب كافي يخليك حاسس ان في وحش كاسر بيشجع الطليان من كل قلبه و عشانه يقدروا يخالفوا التوقعات يعملوا المستحيل !