I phone 8 .. مميزات الإختراع الجديد وسعره المتوقع

أحمد صلاح

دايما بيبقى فيه تكتم على اى شىء جديد فى موبايلات ايفون لان من عاده شركه ابل انها بتعمل مؤتمر مخصوص بتعلن فيه عن الموبايل الجديد وبيكون مفاجاه وامكانياته بتتعرض لاول مره فى المؤتمر دا حتى شكله وتصميمه بيكون حاجه سريه جدا ومن الطبيعى ان كل المهتمين بالموبايل الجديد بيفضلوا يدورو على اى تسريبات

تعالو نشوف ايه هيا التسريبات اللى نزلت عن ايفون 8 المنتظر

اختلاف الشكل الخارجى

قالو ان الشكل الخارجى هيكون مختلف عن ايفون 7 من حيث الحدود السميكه اللى اعلى واسفل الشاشه بحيث ان الشاشه هاتمتد للحواف , وهيكون حجمه اكبر من ايفون 7 واصغر من ايفون 7اس وفى الاغلب هيكون بالمقاس دا 5.65 x 2.79 x 0.298

nintchdbpict000279347562.jpg

التعرف على ملامح وجه المستخدم

فيه صور مسربه بمكان فاضى جنب السماعه فكان هناك توقع ان ممكن يكون المكان دا لكاميرا تتعرف على وجه المستخدم ودى هاتكون من عوامل الامان الجديده فى ايفون 8

الاستغناء عن زرار " هوم "

-iPhone-8-.jpeg

الزرار الوحيد فى موبايلات ايفون اللى فاتت قررت الشركه انها تتخلص منه فى ايفون 8 بحيث ان يكون الموبايل كله عباره عن شاشه

الشحن اللاسلكى

ابل من فتره كبيره وهيا بتعمل ابحاث عن ميزه الشحن اللاسلكى ومن المتوقع ان ايفون 8 ينزل بالميزه دى

السماعات اللاسلكية

فى احتمال ان الهاندفرى تكون يدون سلك بالشكل دا

موديلات مختلفه

لان مش كل الناس بتحب الحجم الكبير من الموبايل فيه ناس بتميل للحجم الصغير عشان كدا من المحتمل ان ايفون 8 هينزل ب 3 موديلات مختلفه فى الحجم موديل 4.7 بوصه وموديل 5.15 بوصه وموديل 5.5 بوصه

iPhone-8-forms.jpg

السعر
السعر المتوقع للايفون 8 هيكون فى حدود 900 دولار ودا اول فئه فيه يعنى هتكون فى حدود 16 الف جنيه وطبعا دا سعره بره مصر يعنى بالجمارك والضرايب ممكن هنا سعره يوصل 20 الف

ميعاد نزوله فى السوق
دايما ابل بتطرح موبايلاتها فى الربع الاخير من السنه ابتداء من شهر سبتمبر يعنى ممكن خلال شهر تلاقي الشركه اعلنت عنه

وممكن تشوف شكل تخيلى للايفون 8 من الفيديو دا

https://www.youtube.com/watch?v=IOk9jbcXhdw


شارك هذا المقال: