7 مميزات تخليك تشتري I phone 7

فريق راجل. دوت كوم


طبعاً كل الناس اتجننت من أول الإعلان عن آخر إصدارات شركة Apple للهواتف المحمولة I phone 7 واللى كان كل العالم خاصة المهتمين بالتكنولوجيا مترقبين حفل إصداره .. وبعيداً عن سعره اللى بيبدأ من 650 دولار فيه 7 مميزات يزغللوا عين أى حد إنه يشتري التليفون الجديد :

MMY32_FV406.png


1- الصوت

لو من هواة إستعمال الموبايل فى الإستماع للأغاني ومشاهدة الأفلام أيفون 7 هيكون الإختيار المثالي لأن آبل تخلت عن منفذ سماعات " 3.5mm" ، وبييجى الموبايل الجديد مع سماعات " EarPods" وده هيعمل فرق كبير فى الصوت

kkk.png

2- المعالج

آيفون 7 مزود بمعالج " A10 Fusion" رباعي النواة وهو أسرع بحوالي 40% من معالج " A9" يعني جهازك هيكون أسرع بكتير جداً من أى جهاز تانى

cover.png

3- ضد المياه والأتربة

أخييراً آبل عملت خاصية بقاء التليفون تحت المياه ودي حاجة كانت بتنقص اصداراتها اللي قبل كدة ومع الميزة دى أصبح هاتف آيفون 7 هاتف متكامل جداً وكمان مع مقاومة الأتربة وتجميع الغبار على الشاشة .

dropped.jpg

4- مفيش 16 جيجا

أرخم حاجة فى الدنيا لما كان يعجبك آيفون والسعر المناسب ليك يكون التليفون اللى سعته 16 جيجا بس ، كام تحديث لكام أبلكيشن مع صورتين تلاتة بيملوا الذاكرة وتفضل محتار تشيل إيه وتسيب إيه ، آيفون 7 بقا لغي تماماً المساحة القليلة دى وبقا يبدأ من مساحة 32 جيجا.

77.png

5- البطارية

من أفضل مميزات هواتف اللآيفون عموماً طول عمر البطارية وصمودها قدام الإستعمال المكثف ، لكن آيفون 7 مكتفاش بالقدرة العادية للهواتف اللى سبقته وبقا يقعد ساعتين أطول .. يعنى بطاريته ممكن تقعد بالساعات مع الإستعمال وده شئ هايل !

888.png

6- الكاميرا

دايماً الناس بتقول إن أحسن صور هو صور كاميرا الآيفون مهما أصحابك اشتروا تليفونات بكاميرا حجم الميجا بكسل بتاعتها كبيرة بتفضل انت مصور الشلة الأساسي لو معاك أي نوع أيفون ، وزيادة فى التميز آيفون 7 زودوه بكاميرا أمامية بدقة 7 ميجابكسل وكاميرا خلفية بدقة 12 ميجابكسل يعنى التصوير هينتقل لمرحلة عظيمة

111.png

7- التصميم

رغم إن الشكل متغيرش كتير وحجم الشاشة هو هو نفس الإصدارا اللى فات ، لكن دقة الشاشة وسطوع الألوان فى آيفون 7 أعلى وتدعم ميزة 3D Touch وكمان زرار الصفحة الرئيسية بقا تاتش ، غير إن اللون الأسود والأسود اللامع شيك جداً وهتحب تقتنيه ..

kllll.png


شارك هذا المقال: