مميزات جديدة فى آخر تحديث لتليفونات أبل..خصوصية غير مسبوقة

فريق راجل. دوت كوم


أعلنت شركة أبل عن إتاحة آخر تحديث للنظام الشهيرIOS على كل تليفوناتها والأجهزة اللوحية اللى بتحمل شعارها ونزل تحت إسمIOS 9.3  ، واللى  ممكن اى حد يبتدى ينزله على جهازه ويكتشفه ..
الحقيقة هو مفيهوش حاجة جديدة اوى بالمقارنة مع التحديث اللى قبله ، ولكن ملاحظ إنهم أضافوا بعض المميزات اللى هتخلى التعامل مع التليفون أحسن بكتير وكانت أهم الحاجات اللى اضافوها :


•    خاصية العمل ليلاً ( Night Shift  )
من المعروف إن الإشعاعات الضوئية اللى بتطلع من شاشة الموبايل او التابليت مضرة للعين وخاصة فى الوقت المسائي اللى الضوء فيه بيبقا قليل خصوصا مع إستعمال الحاجات دى قبل النوم مباشرة ، علشان كدة كان فيه تطبيقات كتير بتقلل حدة الاشعاعات دى ولكن مع التحديث الجديد بقت موجودو أوتوماتيك فى الجهاز بتاعك من غير متحتاج اي ابلكيشن خارجي وممكن تفعلها او تقفلها خالص..

night-shift.png

•    حماية الـ Notes
لو كنت من اللى بيستخدموا ال Notes بشكل كبير خلال اليوم وبتكتب قيها حاجات مهمة متعلقة بحياتك الشخصية او العملية وغير انها بتبقا محمية بنفس حماية الموبايل من برة إلا إن التحديث الجديد زود فى الحماية دى بشكل اكبر وممكن دلوقتى تحط على النوتس بتاعتك باسوورد  خاص بيها او عن طريق بصمة الإصبع وده مكنش متاح فى الانظمة اللى قبل كدة..وكمان بقا ينفع ترتبها بالتاريخ زى الإيميل ..

•    نظام الـ  Apple CarPlay
ودى خاصية جديدة نازلة فى معظم عربيات 2016 و 2017 تقدر من خلالها تتعامل مع التليفون من خلال شاشة العربية بتاعتك مباشرة ودى حاجة كان كل اللى معاهم أجهزة أبل نفسهم فيها بشكل رسمي ومقنن ، التحديث ظبط الخاصية دى وبقا من خلالها تقدر تسمع مزيكا من المفضلات عندك وحاجات تانية كتير ..

apple-carplay.jpg

من الحاجات اللي ظبطها التحديث الجديد برضو تطبيق الصحة وزود فيه خصائص جديدة غير الجري وقياس ضربات القلب وبقت دقيقة اكتر ، وكمان أتاح لبعض الأجهزة الدخول بأكتر من حساب على الجهاز الواحد ، وإقتراحات كتير بمطاعم أو بنوك بشكل تلقائي ممكن تسمعها من تطبيق خرايط أبل وانت بتستخدمه وده برضو جديد ..




شارك هذا المقال: