5 أسئلة مش منطقية .. صنعت فى مصر !

فريق راجل. دوت كوم


دايماً عندنا كمصريين جمل وأسئلة مش ممكن تلاقيها فى اى حتة تانية فى العالم غير هنا وتبدو معظمها إنها أسئلة مش منطقية تماماً وفيه أسئلة أهم منها بكتير ممكن تتسأل !


1 – إنت جيت ؟
لا والله أنا لسه مجتش بس باعتلكم جسمي يراقب الجو الاول !

1.png

2- مين ع الباب ؟
لما تبقا جوة الشقة بتاعتك والجرس يرن ويطلع حد من عيلتك من الأوضة بتاعتك ويسألك بمنتهي البساطة ياترى مين ع الباب؟ المفروض ساعتها تفتح البلورة السحرية بتاعتك وتنجم بقا !

20140629303451846548030.jpg

3- هو قالك فين ؟
طبعاً مش محتاجة أى شرح ..
وهو انا لو أعرف اللى هو قاله هسأل حضرتك ليه ؟

2-4-300x146.jpg

4- انت صحيت ؟
لا يا معلم ده انا مشغل خاصية جديدة بتخليني اتكلم معاك ومفتح عينى ومفنجلها وف نفس الوقت نايم !

maxresdefault.jpg

5- هو الاسانسير طالع ؟
بتبقا واقف فى الدور الارضي ومستني الاسانسير .. وتلاقيها داخل من باب العمارة مبتسم ويقولك حضرتك هو الاسانسير طالع ؟
- لا الحقيقة انا نازل بيه تحت الأرض أبحث عن مقبرة توت عنخ آمون !

10072006-141213-4.jpg

قلنا كمان إيه الأسئلة الغير منطقية اللى إنت بتسمعها وبتستغربها ويمكن بتقولها كمان فى حياتك ؟


شارك هذا المقال: