إزاى تعرف البطيخة حمرا ولا قرعة بدون معلم !

أحمد صلاح

محبى الفاكهه بيعشقوا موسم الصيف اوى وده لان الصيف فاكهته اكتر بكتير من موسم الشتا اللى مافهوش غير برتقال ويوسفندى وموز بس .. ومن اكتر الفواكه المحبوبه فى الموسم دا هو البطيخ .. وبعيدا بقه عن ان البطيخ اصلا خضار مش فاكهه خلينا نعرف ازاى نختار البطيخه الحمرا ..

watermelon-red-1040100_960_720.jpg

كتير مننا بيحتار وهو رايح يشترى البطيخ ومايعرفش ينقى البطيخه الحلوه والحمرا وكل اللى ممكن يعمله انه يمسك البطيخه ويفضل يخبط عليها قدام البياع وقال يعنى كده هو فاهم وبيطلع البطيخه الكويسه وفى الاخر يفتحها يلاقيها قرعه زى دى

unnamed-2-.jpg

تعالى اقولك على الحاجات اللى لازم تبص عليها وانت بتشترى البطيخه

اول حاجه

اختار البطيخه الانثى لانها بتكون مسكره .. طيب ودى تعرفها ازاى

البطيخه الانثى هي البطيخه اللى هتلاقيها مدوره زى الكوره انما البطيخ اللى تحس انه طويل او ممدود من الجناب يبقى هو دا الذكر ..

1.jpg

تانى حاجه

اول ما البطيخه بتتطلع من زرعتها بتكون على الارض وبيكون فيه جزء من البطيخه بتفضل ملامسه الارض وبالتالى الجزء دا لو اصفر معناه ان البطيخه اخدت وقتها فى السوى واتقطفت فى معادها انما لو لقيتها خضرا دا معناها ان المزارع استعجل على قطفها فبالتالى مش هتكون مسكره

2.jpg

تالت حاجه

عنق البطيخه لو لقيته اخضر تعرف برده ان البطيخه اتقطفت بدرى لان المفروض بعد ما البطيخه بتنضج العنق دا بيدبل فبالتالى لو لقيته لونه غامق او جاف يبقه هيا دى البطيخه المسكره

3.jpg

رابع حاجه

احيانا بنلاقى زى بقع او خطوط بنى على البطيخه و وقتها بنقول ان البطيخه دى بايظه مع ان دى بتكون احلى بطيخه لان دا بسبب ان النحل فى وقت التلقيح لمست اجزاء من الزهره ودا بيخلى البطيخه مسكره \

4.jpg

خامس حاجه

اشترى الاوزان التقيله وابعد عن البطيخ الصغير اووى او البطيخ الكبير اوى خليك فى الحجم الوسط ويكون وزن تقيل

watermelon-ogr-2.jpg

وبكده نضمنلك بطيخه مسكره وحمرا وبالهنا والشفا


شارك هذا المقال: