أقوى 8 موبايلات من حيث البطارية .. مفاجأة !

أحمد صلاح

يمكن عشان احنا بنرغى كتير واحنا بنتكلم فى الموبايل او يمكن احنا خلاص دلوقتى بقت حياتنا كلها مقفولة وطول النهار ماسكين الموبايل فديما بندور واحنا بنشترى موبايل جديد على اهم حاجه بالنسبالنا احنا كمصريين وهى البطارية ..

محدش فى الوقت الحالى مش بيعانى مع موبايله بموضوع البطارية ويا أما تلاقيك شارى بطارية تانية استبن معاك يا اما تلاقيك ماشى " بباور بانكنج " وده لو بطارية موبايلك بيلت ان , ومهما تشترى موبايل جديد وتقول بس بقه دا اكيد موبايل بطاريته نار و هيقعد معاك فترة اطول وتلاقى برده

الموبايل اخره يوم كامل ومابقاش فى موبيلات بطاريتها بتقعد باليومين تلاته زى زمان .. فين ايام النوكيا 3310 كان ممكن تشحنة ويكفيك اسبوع

phone-1503703_960_720.png

ومن هنا تبدأ تسأل نفسك هوه ليه الشركات مش بتعمل بطارية زى زمان ؟؟!

طبعا الموبايل الـ سمارت دلوقتى مش زى موبايل زمان يعنى مثلا نوكيا 3310 كانت بطاريته 900 ميلى امبير بس ودلوقتى اققل موبايل بيكون بطاريته 2100 ملى امبير .. اكيد الكاميرا والشاشة الملونة واستخدام النت الثرى جى .. من اكتر الحاجات الى بتكون ليها اثر على استهلاك البطارية

فالموضوع اختلف

المهم المقال ده بقه عشان وانت رايح تشترى موبايلك الجديد تاخد بالك من موضوع البطارية وتعرف ان لو بتقارن مثلا مابين جهازين لازم تبص على قدرة البطارية "battery capacity " وبتتقاس بالملى امبير والرقم الاعلى هوه بيكون للجهاز الافضل من حيث البطارية بس طبعا لازم

نثبت عنصر حجم الشاشة اكيد يعنى ماتقارنشى موبايل شاشتة 3 بوصة بموبايل 6 بوصة لان اكيد الـ 6 بوصة عايزة بطارية اقوى

battery-1049668_960_720.jpg

تعالى نقول اقوى 8 موبايلات فى السوق دلوقتى من حيث البطارية :

الثامن - apple iphone 7 plus

8.jpg

البطارية 2900 ميلى أمبير – الرام 3 جيجا – الكاميرا 12 ميجا – الشاشة 5.5 بوصة – ذاكرة داخلية 32/128/256 جيجا

السابع Lenovo  vibe p1m - 

7.jpg

البطارية 4000 ميلى أمبير – الرام 2 جيجا – الكاميرا 8 ميجا – الشاشة 5 بوصة – ذاكرة داخلية 16 جيجا
افضل سعر موبايل للبطارية القوية وسعره فى السوق تقريبا 1900 جنيه فهو ممتاز للى بيدور على تليفون اققل من الفين جنيه وبطاريته قوية

السادس - Huawei Mate 8

6.jpg


افضل فئة فى تليفونات الهاواوى هيا فئة mate من حيث البطارية

البطارية 4000 ميلى أمبير – الرام 4 جيجا – الكاميرا 16 ميجا – الشاشة 6 بوصة – ذاكرة داخلية 32 جيجا

الخامس - Lenovo p70

5.jpg


البطارية 4000 ميلى أمبير – الرام 2 جيجا – الكاميرا 13 ميجا – الشاشة 5 بوصة – ذاكرة داخلية 16 جيجا

الرابع - Huawei Ascend Mate7

4.jpg


البطارية 4100 ميلى أمبير – الرام 3 جيجا – الكاميرا 13 ميجا – الشاشة 6 بوصة – ذاكرة داخلية 16 جيجا

الثالث - Oppo r7 plus

3.jpg

موبايلات اوبو جديدة علينا فى السوق المصرى واثبتت جدارتها بالشكل الانيق والصناعة الكويسه مش زى اى تليفون صينى بس اغلب الى فى السوق بطاريته صغيره لا تتعدى 2500 ميلى امبير بس التليفون r7 plus قريب هيكون فى السوق وارشحهولك لو بتدور على بطارية كويسه فى موبيلات اوبو
البطارية 4100 ميلى أمبير – الرام 4 جيجا – الكاميرا 13 ميجا – الشاشة 6 بوصة – ذاكرة داخلية 32 جيجا 

الثانى - Infinix note 3

2.jpg


موبايل جديد فى السوق ولكن منقدرش نحكم عليه بانه موبايل كويس بس بيمتاز بسعره الكويس وبطاريته القوية
البطارية 4500 ميلى أمبير – الرام 2 جيجا – الكاميرا 13 ميجا – الشاشة 6 بوصة – ذاكرة داخلية 16 جيجا

وأهم ميزه فى الموبايل خاصيه الشحن السريع تقدر تشحنه لمده 5 دقايق وتتقدر تتكلم بيهم 200 دقيقة !!

Samsung Galaxy A9- الاول -

1.jpg
الموبايل الوحيد فى تليفونات سامسونج اققدر اقولك اشتريه وانت مطمن .. واصداره كان فى 3/2016
البطارية 5000 ميلى أمبير – الرام 4 جيجا – الكاميرا 16 ميجا – الشاشة 6 بوصة – ذاكرة داخلية 32 جيجا


شارك هذا المقال: