فى 5 خطوات .. إتعلم صياعة البيزنس من الأب الروحى

أحمد سامي

الأب الروحي هو عين الحكمة – دي الاجابة اللي رد بيها توم هانكس علي ميج ريان في فيلم  You’ve Got Mail    لما سألته عن سر اعجاب كل الرجالة بفيلم الأب الروحي.
الأب الروحي مش بس واحد من أعظم الأفلام اللي أنتجتها هوليود علي مر تاريخها , الأب الروحي في أجزاءه التلاته قدم دروس و حكم كتير مش في الحياة فقط , لكن كمان في البيزنس .. فيتو و مايكل كورليوني قدمولنا نماذج مفيدة في فن الادارة و التخطيط و التحليل الاستراتيجي ,هنحاول نقدم هنا شوية منهم .

11.png


1-سمعتك و أهميتها في تحقيق النتايج


أول حاجة تيجي علي بالنا لما نتكلم عن المافيا  هي القتل و استخدام العنف . لكن في عائلة كوروليوني السمعة هي أهم شئ . فيتو كوروليوني بني سمعة كبيرة كاقائد قوي وعشان كده مكنش بيحتاج العنف في كل المواقف . كفاية انه كان يطلب طلب واحد عشان يتنفذ و لعل أشهر أجمله في الفيلم هي : هقدمله عرض ميقدرش يرفضه .
أسأل نفسك دايما ايه هي سمعتك في الشغل – بتاع مشاكل وللا صاحب قرارات قوية !

22.png

2- استخدم مستشارين ليهم رؤية ثاقبة


مع كل الخبرة اللي كان بيمتلكها الأب الروحي في ادارة عائلة المافيا , الا انه ده ممنعوش من ان يكون عنده مستشاره الخاص .فيتو كوروليوني اختار شخص من خلاله يقدر يشوف الأمور من وجهة نظر أخري علي الرغم من ان الشخص ده –توم هيجن – كان أصغر بكتير في العمر و معندوش نفس خبرة الدون , لكن كان متخصص في ادارة الأعمال و التعامل مع المؤسسات الحكومية اللي كانت المافيا بتتعامل معاها دايما .
حاول دايما تلاقي شخص من خارج دايرة اتخاذ القرار , يديلك رأيه من وجهة نظر مختلفة . الشخص ده ممكن يكون صديق او شخص من مجال اّخر , لكن اهم شئ انك تثق في نظرته للأمور.

44.png

3-كون شبكة علاقات اجتماعية كبيرة .


في بداية الفيلم –الجزء الأول- الأب الروحي قدم خدمة كبيرة لشخص هو أصلا مش مهتم بيه و خارج دايرة المافيا نهائيا, و ممكن ميحتاجلوش في يوم من الأيام . الظروف أخلت الدون  يلجأ للشخص ده خلال أحداث الفيلم و طبعا مكنش ينفع يترفضله الطلب !
في البزنس اوعي تخسر حد و اوعي تقول انا مش محتاج لفلان مش لازم أبذل مجهود في مساعدته , اللي مش محتاج حاجة من وشه النهارده بكره تحتاج لقفاه.

33.png

4-متاخدش حاجة بشكل شخصي

في الشغل هتتعامل مع ناس كتير علي الصعيد الشخصي او الانساني ممكن متكونش بتحبهم , احيانا الناس دي ممكن تكون في دايرة اتخاذ القرارات أو زمايلك او عميل متعصب أو حتي منافسينك ! الحكم علي الأمور بطريق عاطفية هيأثر علي قرارك و تباعات القرار كمان .
وعشان كده في الجزء الأول و التالت منم الفيلم كان في جملتين مشهورين .
It’s not personal Sony , it’s strictly business و الجملة الأشهر Don’t hate your enemies , it affects your Judgment

55.png

5- مفيش فكرة لا تقهر


و دي نصيحة للي بيشتغلوا في التسويق , مهما كانت خطتك قوية و متخرش الميه , اوعي ميكونش عندك backup plan  . دايما هتقابل افكار أحسن و منافسينك هيقدموا حلول مبتكرة , خلي دايما عندك حلول تانية و تالته لأنك متضمنش متغيرات السوق و احتياجات العملاءو عشان كده كانت نصيحة مايكل كوروليوني


شارك هذا المقال: