تلعب مع الــ Boys.. ولا نربط المعزة ؟!

فريق راجل. دوت كوم


كلنا تقريباً سمعنا مكالمة اللى عنده معزة يربطها ... وسواء كانت مكالمه حقيقة أو مفبركة أو نصها كدة ونصها كدة .. فهى عملت ضجة كبيرة على السوشال ميديا .. المكالمة ببساطة للى لسه مسمعهاش كانت بين ولية امر احدى الفتيات اللى فى ابتدائى على جروب واتساب خاص بأولياء أمور احد

الفصول .. وبتعاتب فيه اولياء امور طالب زميل بنتها لان ابنهم ( حضن بنتها وباسها ) .. وعلى حد قولها انها مربياها ومبتخليهاش تلعب مع boys ومش اول مرة يعمل كده فرد الاب ببساطة ... اللى عنده معزة يربطها !

الحقيقة الموضوع بقا أكبر من كونه تهريج وهزار وفتح اكتر من مجال نقاش :

تربط المعزة ؟

goat-1803931_960_720.jpg

زى ما ابو الولد قال اللى عندها معزة تربطها .. ونسي كمان انه ممكن يكون هو نفسه ربنا يرزقه ببنت – معزة على حد قوله – ويبقالها اختلاط فى المدرسة مع زمايل ولو مش مربيها كويس ومعرفها يعنى ايه ولد وبنت ومعاملهاش زى – المعزة – المشهد ممكن يتكرر عادى !

طفولة

kids-143022_960_720.jpg

امين فينا ملعبش وهو صغير مع بنات قرايبه وزمايله العاب طفولية بريئة ! حتى لعبة عريس وعروسة والكوشة والتصقيف كانت مجرد العاب بريئة بيقلدو فيها الكبار وخلاص ... ليه مبقيناش عايزين اولادنا يعيشوا المراحل اللى عشناها زى مهى من غير تهويل ولا تكبير للمواضيع ؟

متلعبش مع الــ boys

kids-1639351_960_720.jpg

منطق المنع هو أسوأ طريق لتعليم حد حاجة معينه مابالك بقا بأطفال !

ولأن الممنوع مرغوب دايما والطفل عنده روح الاكتشاف ... لما انت او انتى تمنعوا ولادكم وبناتكم عن الاختلاط طبيعي هيفكر وهيجرب وهيتعامل عادى لأنه ببساطة على فطرته !

سيبو الاطفال بفطرتهم ومتقلقوش وبعدين زى ماقالت فى المكالمة ... دول boys مش فامبايرز يعنى !


شارك هذا المقال: