غطيها .. علشان متصوتش !

أحمد صلاح


طبيعى اول ما بتفكر تشترى عربيه بتشترى غطا وفيه ناس ممكن تشترى الغطا قبل العربيه كمان .. وتلاقيه بيغطى العربيه بالظبط شهر وبعد كدا يغطيها يوم ويوم لا وبعد كدا يبدأ ينسى ان فيه غطا فى شنطه العربيه ..

افضل انواع خامات الغطا ؟

Car-Cover2.jpg

فيه 3 انواع

القماش : ودا ارخصهم ونفضل النوع دا لو فى بلد الشتا فيها قليل ويفضل ان نوع القماش يكون قطن

المشمع /البوليستر : والنوع دا مش كويس عشان دهان العربيه هو بيحمى من الشتا ولكن خامته ضعيفه وفى الاغلب دا بتاخده هديه لما بتشترى العربيه

الوتر بروف : دا افضل الانواع ويمكن اشهرهم واغلاهم ولازم تتاكد انه مبطن من جوه بالقطن وتكون خامته تقيله عشان يستحمل حراره الصيف لانه بعد فتره بيشقق

وغالبا عمره الافتراضى سنتين

item_XL_7306891_5651469.jpg

طيب ايه فوايد انك تغطى العربيه ؟

حمايه العربيه من الشمس .. وخاصه فى البلاد اللى جوها حر بعد فتره هتلاقى الفوانيس طوست ( يعنى اغمقت كدا ) ومش هتلاقى الباغه بتاعت الفوانيس ليها لمعه زى الاول وكمان فرش العربيه هيتأثر ويتشقق

حمايه العربيه من اى عيل مؤذى ماسك مفاتيح او مسمار .. ودى اكتر حاجه متكرره فى عربيتنا كلنا ننزل نلاقى واحد واخد العربيه من اولها لاخرها بمفتاح ومجرحها

حمايه العربيه من تراب الشارع .. هو الحمايه مش بتكون 100% لان وانت بتشيل الغطا دايما هتلاقى تراب تحت الغطا فالمفروض تشيله واحده واحده وتنفضه وانت بتحطه فى الشنطه

327285c.jpg

طيب ايه الاضرار لما تغطى العربيه ؟

*لو غطيتها بغطا خامه سيئه هيضر بدهان العربيه خاصه لو الغطا كون عرق فى اوقات الحر على سطح العربيه

*الخوف من السرقه وفى ناس فى الفتره الاخيره خاصه فى الاماكن الهاديه اتعرضت لدخول حرامى تحت الغطا وبيسرق الكاسيت او اى حاجه سهله السرقه فى العربيه

على اى حال وجود غطا فى العربيه دى حاجه فوايدها كتير وهيحافظ عليها


شارك هذا المقال: