مع دخول الشتا .. إزاى تتعامل مع دور البرد وتحمى نفسك ‎

أحمد صلاح
شارك هذا المقال:


الشتا دخل علينا خلاص وجاى معاه ادوار البرد الى بتنشر اوى فى الفصل ده اكتر من الصيف وده لانتشار الفيروسات والميكروبات فى الوقت ده غير اننا دايما بنكون موجودين فى اماكن مقفولة مش مفتوحه ..

وكتير مننا ادوار البرد دى بتفضل معاه طول الشتا ويخلص دور البرد ويرجع تانى عليه باستمرار... ومابتخلاش بيوتنا فى الفترة دى من ادوية البرد يعنى عندك بقه الكونجستال والكومتركس والفلورست والى اخره من الادوية دى الى بنبلبعها من غير مانروح للدكتور وبنجرى نجيبها من الصيدلية ..

طيب عايزين نعرف دلوقتى هوه ايه الفرق بين دور البرد العادى والانفلونزا واعراضها ونتعامل مع ادوار البرد دى ازاى

o-FLU-STUDY-facebook.jpg

الفرق بين دور البرد والانفلونزا

نزلة البرد تقريبا بتبقى نفس اعراض الانفلونزا زى : الكحة والعطس و التهاب الزور و انسداد الانف والصداع والتعب بس الانفلونزا بقه بتختلف بكام حاجه زيادة عن الاعراض دى وهى ارتفاع درجة الحرارة واّلام فى العضلات

ازاى دور البرد بيدخل جسمك
مع انتشار الفيروسات والميكروبات فى الشتا اوقات بيكون جسمك مناعته قليلة وبالتالى بيكون فرص اصابتك بالدور ده كبير ده بالاضافة كمان خروجك من الجو البارد للسخن ومن السخن للبارد عامل كبير ان يجيلك برد.. يعنى ماتبقاش واخد شاور سخن نار وتقوم طالع من الحمام لابس هدومك وخارج !!

unnamed.jpg

طيب ازاى تحمى نفسك

تحمى نفسك بانك تخلى مناعتك دايما قوية عشان الفيروسات دى ماتدخلش جسمك بالساهل وهما 3 حاجات :

- الأكل

unnamed-1-.jpg


اهتم بأكلك وحاول تحط فى وجباتك كل العناصر الغذائية المتكاملة يعنى تاكل البروتين والكربوهيدرات والفيتامينات

- اغسل ايديك كويس

img.jpg

حاول لما تيجى من بره دايما اغسل ايديك كويس لان الفيروسات دى بتتنقل من خلالها


- نام كويس

unnamed-2-.jpg

النوم على الاقل 7 ساعات كل يوم وده هيخليك تاخد وقت راحة كويس و هيريح جسمك وهيقوى مناعتك 

علاج دور البرد

علاج دور البرد ده من الحاجات الى لازم ناخد بالنا منها ولازم نحاول نعالجها بالحاجات الطبيعية الاول وبلاش نألف من نفسنا وناخد مضادات حيوية وادوية البرد الكتيرة لان المضاد الحيوى مش بيقتل الفيروس ده غير انه هيضعف جسمك اكتر وبرده ادوية البرد المعروفة لو اخدتها كتير جسمك هيتعود عليها وممكن بعد فتره ماتعملش معاك نتيجه فخلى الادوية اخر حاجه ترجعلها ...

bigstock-Adult-man-patient-with-high-te-45657103.jpg

اشرب سوائل كتير
لما الجسم بيمرض فهو بيفقد الماية الى فيه فلازم نعوضها بشرب مايه وسوايل كتير لان لو نقصت المايه فى جسمك المرض هيزيد والمناعة مش هاتقوى
الراحة

لو البرد سيطر عليك يبقى لازم ترتاح وبلاش تنزل شغل عشان البرد عايز راحه عشان جسمك يقدر يتعافى انما لو عاندت ونزلت شغل وعملت مجهود جامد اعرف انك هاترجع حالتك اسوأ


فيتامين الـ سى

الفاكهة عمتا من الحاجات الى هتحمى جسمك وهتقوى مناعتك وبالاخص فيتامين سى والى احنا عارفينه ديما ان اكتر فاكهة بها فيتامين سى هو البرتقال بس المعلومة دى مطلعتشى صح لان اكتر فاكهه هيا الجوافة

الجنزبيل والقرفة

unnamed-3-.jpg

الحاجتين دول اشربهم او خليهم دايما فى اكلك بأى شكل لانهم هيدوك طاقة كويسه هاتخفف البرد من جسمك اكيد

خلاصة الكلام ياملعم عايز ادوار البرد دى تبعد عنك يبقى الحل فى الروشتة دى

" نام وكل كويس واشرب مايه كتير عشان مناعتك ماتضعفشى وبلاش الدخول والخروج من الجو السخن للبارد والعكس وعليك بالفيتامين سى ومتنساش تغسل ايديك وانت راجع من الشغل "