أول عربية 3D printed في العالم

فريق راجل. دوت كوم

السنة دي صرح سيرجيو مارشيون CEO شركة FIAT إن عالم صناعة السيارات بقى فيه طاقة مالية مهدرة في التصميم والتصنيع وكان حله هو التلقيدي بتاع تقليل الزيادة في الصرف بحلول ذكية في حين چاي روجرز CEO شركة Local Motors كان عنده نفس الملحوظة ولكن لقى حل مختلف جدًا. بالنسبة له، المشكلة مش في خطة عمل والحل إن بس يتعاد تقييمها من جديد، المشكلة هو إن لسه بيتم تصنيع بنفس الطريقة اللي كانت العربية بتتصنع بيها في ١٩١٥ وزوّد إن الدليل علي إن ممكن يتم التجديد في طريقة التصنيع هو عربية راكنة في جراچ في نوكسفيل (تينيسي- أمريكا) جاهزة للسواقة في أي وقت؛ يقصد Strati وهي أول عربية 3D printed في العالم.

3d-car-1.jpg

ستراتي أتعملت أو أتطبعت في ديترويت بالتعاون مع Oak Ridge National Laboratory في تينيسي. العربية كهربائية صغيرة في الحجم، بكرسين فقط. مطبوعة من Carbon-fiber- reinforced plastic (ألياف الكربون المقوى من البلاستيك) ودي مادية قوية ومرنة ورخيصة نسبيًا في التكلفة. وفي حالة أى عطل، الموتور يتفك، والعربية بتتسيّح، وبيتم طباعتها بنفس المواد من أول من جديد. 

3d-car-2.jpg

تصنيع العربية بياخد حوالي ٤٠ ساعة بس وقوة الموتور في نفس قوة موتور عربية جولف كبيرة وصرح روجرز إن لو أتحط لها موتور قوة ١٥٠ أو ٢٠٠ حصان برضه أدائها مش هيتأثر.

العالم المودرن للعربيات معقد جدًا بس بتصنيع عربية "مطبوعة" 3D بقوة دفع كهربائي بنفهم إنه التطور التكنولوچي طال صناعة العربيات اللي مش هتبقى معقدة متسقبليًا. 

3d-car-3.jpg

فكرة أول عربية مطبوعة 3D في العالم، دفعت أشهر وأقدم مجلة عربيات Popular Mechanics إنها تدي جايزة Breakthrough Award لشركة Local Motors المُصنعة للعربية. 


شارك هذا المقال: