هذا الوقت من السنة..وقت فيفا ١٦

يوسف وائل

إنه هذا الوقت من السنة، اللي كلنا بإذن الله هنسقط فيه وإحنا لسه على أول الجامعات والمدارس والسبب هو صدور حبيبة الملايين: فيفا ١٦

أسباب الحماس الضخم جدًا هو إن الشاب مننا بيبقى قاعد مستنى الجديد من فيفا بعد شوية من تمكنه من القديم، بمعني إننا استنينا فيفا ١٦ بعد شهرين من لعبنا لـ فيفا ١٥!

EA Sports كانوا بيخذلونا جدًا بصراحة، اللعبة بتبقى علي وضعها بس الـupdate بيبقى أي كلام، يعني الفرق بين فيفا ١٤ وفيفا ١٥ مش كبير. شوية حاجات بسيطة في الـgame play منهم الـfinesse shot في فيفا ١٥ يعني بقيت صعب تجيب جول finesse فتمام، بس هبّلوا في حاجة زي إن بقى عادي جدًا تجيب جول من نص الملعب!

بدأت EA Sports تاخد بالها من صحوة الجماهير والتطور الرهيب اللي Konami بتعمله في Pro Evolution واللي بيشد اهتمام الأغلبية من الـgamers. كعادة PES  بيبقى الجيم بلاي وحش بس الجرافيكس أجمد من أي فيفا. المرة دي، فيفا حسنت من الجرافيكس وطوّورا من الجيم بلاي والجيم مودز. 

أهم التغييرات هي نظام المراوغات الجديد متاخد من الأسطورة ليونيل ميسي. نظام المراوغة الجديد هو تجميع لأشهر وأهم مرواغات ميسي مع اللعيبة واللي هي سبب أساسي في إنه من أفضل لعيبة العالم. المرواغة دي هتنزل مع كل اللعيبة بس زي الحقيقة، كل ما اللعيب يبقى مهاري أكتر كل ما يبقى هتعرف تعمل المراوغة بتمكن أكبر.


أما عن الدفاع واللي هي أكتر منطقة خطيرة في الملعب، فيفا حسنت في الجيم بلاي جدًا. مع تطبيق نظام دفاع أحدث، اللعيبة اللي مش بتتحكم فيها  بقوا بيغطوا المساحات الفاضية أوتوماتيك وكمان فيفا عملت طرق تداخلات على الكورة جديدة منها إن وانت واقف ووانت بتتزحلق، وخلت المدافع أذكى قدام اللعيب المهاري

آخر سبب هذكره هو نص الملعب؛ زي ما قلت اللعيبة بقت أذكي، بس اللي هيخلي الفرق بين المدافعين ولعيبة نص الملعب إن الجيم بلاي بيعرف طريقة اللعب وبقى بيـباسي بخطة يعني من غير عشوائية، الكمبيوتر قاري طريقة لعب ونازل بخطة يعني عادي جدًا تبقى بتلاعب الكمبيوتر وتلاقيه عمل assist من نص الملعب. 


غير الجيم بلاي، فيفا ١٦ لعبوا على الجمهور بجدارة. منزلين فوق الـ٩٠٠ هتاف جداد دي غير التيڤوز والدخلاا الجديدة بتاعت الجمهور. غير إن هتاف التشجيع بيبقى للنادي دلوقتي الجمهور بيشجع بأسم اللعيب. كمان عملوا احتفالات جديدة ومنهم إنك ممكن تروح تحتفل مع اللعيبة على الدكة!

الحاجة بقى اللي زادت ويطلق عليه كلمة "إبداع" فعلًا هي في الـcareer mode في الـplayer training. في career mode فيفا عامة، اللعيبة الصغيرة بتكبر معاك يعني لو لاعبت لعيب ضعيف أساسي..مع الوقت، اللعيب ده هيتحسن والأداء بتاعه هيعلى، فيفا حسنت ده، بدل ما تستنى الفرج على ما مستوى لعيب معين يعلى، بقى ممكن تمرنه لوحده أو معاه ٤ لعيبة كمان وتفضل تحسّن فيهم بالتمرينات المتاحة.

fifa-16-player-training.jpgمصدر الصورة: youtube.com


أخر حاجة ولكنها أهم حاجة، الـpass. الجيم باس في فيفا ١٦ بقى أسرع يعني كل حاجة بقت سريعة من أول الباسات لحد اللعيبة نفسهم وبرضه فيفا سهلّت اللعيب شوية يعني في فيفا ١٥ كان قبل أي ماتش بيبقى فيه drills تعملها علشان تحسن من أدائك جوا اللعبة، دلوقتي الـdrills دي هتبقى معاك جوا الماتش كأن معاك كوتش بالظبط. 


شارك هذا المقال: