بعد جريمة olx الفيسبوك بديلك الآمن !

أحمد صلاح

الفيس بوك مصمم انه يخليك وانت على الانترنت بس على التطبيق بتاعه ومش عايزك تطلع منه .. كل يوم والتانى يضيفوا للتطبيق حاجات تخليك تكتفى بس بالفيس بوك .. وكان اخرها تحديث الشهر اللى فات بتاع "MARKET PLACE"  والتحديث ده اعتقد انه هيقضى على مواقع اعلانات البيع والشرا واللى اشهرها OLX  فى وقت قريب ..
اخدت بالك من التحديث دا ؟! لو فاتح من الموبايل هتلاقى اضافوا العلامه دى وسط ايقونه الهوم والنتفوكيشن ..


 facebook-marketplace-icon.png
ولو فاتح على البى سى تقدر هتلاقيها من هنا


 mmm.png

والايام اللى فاتت دى شوفنا اكتر من حادثه قتل على OLX لناس كانت رايحيه تشترى وتبيع من خلال الموقع .. وللاسف دى مش اول مره لان الموضوع ده متكرر من زمان .. الماركت اللى على الفيس هيكون الى حد امن شويه ليه بقى ؟؟
البايع اللى على OLX انت ماتعرفوش وممكن يكون عامل الاكونت انهارده عشان خاطر يسرقك انما اللى هيبيع او هيشترى اى حاجه من خلال الماركت بتاع الفيس هيكون شخصيته واضحه ليك وتقدر تعرف مين دا !! وساكن فين وشغال ايه !! يعنى من الاخر هاتعرف شخصيته اكتر ...( وبرده ده مش هيمنع انه ممكن يكون مزور فى بعض الاحيان )


تعالو نشوف فوايد ماركت الفيس


*سهل جدا انك تنزل فيه اعلان
الموضوع مش معقد زى مواقع الاعلانات مجرد ما هتضغط على What are you listing –Item for sale
وبعد كده هتختار كام صوره للى هاتبيعه وتحط تفاصيل اكتر عن مواصفات الحاجه اللى هتبيعها


*سهل انك تدور على الحاجات اللى انت عايز تشتريها
اسهل من اى موقع تانى لان انت هتقدر تفتح gps وممكن تختارالمكان اللى انت فيه بالتحديد والشارع اللى انت فيه كمان .. يعنى مش بس تحدد البلد
ودى هتلاقيها فى الجزء اللى على الشمال مكتوب فيه البلد بتاعتك ..اضغط عليها هتلاقى فتح change location
 
*ترافيك عالى تقدر من خلاله تبيع حاجتك
طبعا على الفيس اعلانك هيتشاف اكتر من اى موقع تانى لان فيه ملايين من المستخدمين وبكده هتضمن ان حاجتك هتتباع بسرعه


*سهوله التواصل مع المعلن
تقدر تكلم البايع على رسايل الفيس ومش شرط تكلمه على الموبايل عشان لو عايز تستفسر على حاجات بشكل مبدئى والميزه دى مش موجوده فى المواقع التانيه اللى بيكون التواصل معاهم عن طريق الاميل
وبرده هنقول اهم حاجه وانت رايح تقابل حد غريب بتشترى او تبيع حاجه لازم يكون فى مكان عام وتاخد اى حد معاك


شارك هذا المقال: