أحدث صيحات موضة خريف وشتاء 2016 للرجال

شيماء عادل

بمناسبة دخولنا شهر نوفمبر ولأن دا الوقت إللى الجو فيه فى مصر مش بيكون مفهوم أوى، يعنى شتاء قالب على صيف أو صيف قالب شتاء..أو صيف الصبح وشتاء بليل، المهم يعنى إنه كتير مننا مش بيعرف يتصرف مع الجو الغريب دا وبتكون النتيجة يإما أتقل فى اللبس ونبقى بنسيح الصبح يإما نخفف ونتلج بالليل.
علشان كده قررنا نجمع كل الأشكال والنصايح والستايل الأمثل للجو دا...


1- إستخدم أسلوب ال Layer-up

unnamed-1-.jpg

وهو دا الحل الأمثل فى وقت زى دا. بمعنى إنك لازم متعتمدش على قطعة واحدة بس فى لبسك وتستخدم أكتر من حاجة، وعادة بيكون تيشيرت polo أو basic مثلا وتلبس فوقهم قميص مفتوح ودا هيكون مناسب جدا للصبح ويكون معاك جاكيت خفيف شوية تقدر تلبسه عليهم لو هتسهر لبليل. كمان ممكن ستايل ال layers دا يستخدم بقميص وبلوفر من فوقه ودا ممكن تستحمله الصبح ويسد معاك بليل أو ممكن تلبس القميص لوحده الصبح وبعدين تلبس البلوفر لما الدنيا تبرد.

2- بنطلونات ال High waist

2.jpg

بعد سنين كتير من موضة الوسط الساقط فى عالم الأزياء، رجعنا دلوقتى لموضة الوسط العالى إللى معمولة بطريقة ميكس بين موضة الخمسينات والسبعينات.

3- النقوشات

3.jpg

بالرغم من إن دا ستايل مش ناس كتير بتحبه أو بتشوف إن ذوقه غريب إلا إن معظم المصممين عرضوا الكوليكشن بتاعهم لخريف وشتاء 16/17 بنقوشات مستوحاه من ثقافات وشعوب مختلفة. الفكرة كلها إنك ممكن تلاقى حاجة حلوة وتناسبك وتكون منقوشة أو مرسوم عليها حاجة سواء قميص أو جاكيت أو حتى جزمة فمتترددش وإعرف إنك هتكون كده على الموضة.

4- الستايل الغربى

4.jpg

علشان نبسطه هو ستايل ال cowboy. فكتير من المصممين برده إللى قدموا عروضهم أول السنة دى قدموا فيها الستايل دا، وناس كتير ونقاد أزياء ربطوا رجوع الستايل دا لنزول فيلم The Hateful Eight للمخرج الكبير كوينتن تارانتينو إللى كان فى ديسمبر 2015

5- ال Cape

5.jpg

الستايل دا إختفى لوقت طويل جدا تقريبا من التسعينات، وكان إنتشر فى الكام سنه إللى فاتوا للبنات بس لكنه رجع السنة دى كموضة فى عالم الفاشون الرجالى. وهو ستايل عبارة عن جاكيت أو coat لكن من غير أكمام مع فتحتين للإيد.

6- المصممين بيقولوك Get loose

6.jpg


بمعنى إنك تنسى الحنتفة إللى بزيادة وتظبيطة المقاسات، لأن السنة دى الموضة المقاسات الواسعة والأكمام الطويلة بزيادة وزى ما شوفنا ستايل الcowboy والبنطلونات الطويلة والواسعة أو القصيرة لفوق الأنكل كده. يعنى الseason دا عندك المساحة إنك تكون على راحتك ولابس حاجات مريحة معظم الوقت ومتحسش إنك متأيد ومخنوق.

7- إستثمر فى الجملى

7.jpg

اللون الجملى أو الهافان أو النحاسى أو ال copper أو أيا كان إسمه يعتبر هو اللون الراعى الرسمى للسنة دى، فعلى عكس التوقعات بخصوص ألوان الخريف والشتا التقليدية إللى عادة بتكون غامقة بزيادة زى الأزرق والأخضر الغامقين أو الرمادى، ضرب اللون الجملى كل التوقعات وإستحوذ على معظم ال fashion shows. علشان كده مهم جدا إن يكون عندك اللون دا سواء فى شكل قميص أو جاكيت أو جزمة أو حتى سكارف.

8- خليك فى ال Neckerchiefs

8.jpg

وبمناسبة الكلام عن السكارف فهى مش موضة أوى السنة دى بشكلها المعروف، يعنى إللى هو سكارف صوف كبيرة وبأشكال غرز مختلفة والجو دا لكن السنة دى هتلاقى أكتر ال neckerchiefs أو إللى بيسمى بمنديل الرقبة يعنى دى بتكون حاجة أخف كده وبتكمل اللوك بتاعك بس مش أكتر...ودا برده بيعكس ستايل الcowboy.

9- الرقبة الواسعة

9.jpg
كمان من الحاجات الموضة جدا الseason دا هى الرقبة الواسعة أو Funnel necks. وعلشان تظبط الستايل دا صح فممكن تخبطلك بلوفر من ستايل الFunnel necks وتلبس من فوق جاكيت واسع slouchy مع بنطلون جينز وتبقى كده تمام.


شارك هذا المقال: