قبل بداية الدورى الإنجليزى .. دليلك للعبة الفانتازى 2017 !

فريق راجل. دوت كوم

أيام قليلة ويبتدى صراع الدورى الإنجليزى ( البريميرليج ) ومعاه يبتدى صراع لعبة الفانتازى اللى واكلة دماغ الناس كلها ومتابعين الدورى الإنجليزى بشكل خاص بقالها كام سنة

الفانتازى للي ميعرفهاش ... هى محاكاة للدورى الإنجليزى من خلال حساب على الموقع الرسمى للبريميرليج .. بيتيح ليك إختيار تشكيلة كاملة بالإحتياطى فى كل جولة مع بعض الضوابط ، ومن خلال اللاعيبة اللى هتشتريها هتحصل على نقط بناء على إجادتهم اللعب أو مستواهم فى كل جولة ، وبكدة بيكون فيه تنافس رهيب بين كل مشترك والمتابعة بتكون رهيبة لكل لاعب انت مختاره وممكن يجمعلك نقط او يخسرك نقط

Untitled-design-17-.jpg

فى البداية ادخل سجل فى الموقع هنا :

https://fantasy.premierleague.com/

بيكون معاك 100 نقطة تختار بيها لاعيبة وكل لاعب بيكون ليه سعر على حسب نجوميته ومستواه بس فيه كام حاجة بتقيدك وانت بتختار :

- حارسين مرمي

- خمس مدافعين

- خمسة وسط

- ثلاثة مهاجمين

- مينفعش أكتر من 3 لاعبين من فريق واحد

- بتختار 11 لاعب اساسي والباقي احتياطى

- لو واحد من الاساسيين ملعبش هيتم تبديله بشكل تلقائى

- هتختار كابتن للفريق .. وده اى نقط هيجيبها هتضرب فى اتنين

- هتختار احتياطى للكابتن علشان لو هو ملعبش اللي اخترته يكون الكابتن البديل

- تقدر تعمل تباديل وتغييرات براحتك لحد قبل بداية الاسبوع الاولانى بعد كده ليك تبديل للاعبين واحد بس كل اسبوع

فيه كروت ممكن تستخدمها لزيادة النقط بتاعتك كل كارت مرة واحده بس فى الموسم :

- ضرب نقط الكابتن فى 3 بدل 2

- حساب نقط دكة البدلاء مع نقاط الاساسيين

- وممكن تخلى فريقك فيه أكبر عدد هجومى بتقليل عدد المدافعين لاتنين بس عكس الاسابيع العادية اللى لازم 3 على الاقل


نظام حساب النقط :

- حارس المرمى لو خرج وشباكه نظيفه بياخد 4 نقط وكل صدتين ناجحين بياخد عليهم نقطة وكل جون بيدخل فيه بيقل فى النقط

- المدافع لو خرج شباك فرقه نظيفه 4 نقط ولو احرز هدف بيتحسبله 6 نقط ولو صنع هدف ب 3 نقط

- خط الوسط بياخد نقطة فى حالة خروج فريقه بشباك نظيفه وبياخد 5 نقط فى حالة احرازه هدف و3 لو صنع الهدف

- المهاجم 4 نقاط لو احرز هدف و 3 لو صنع الهدف

- كل لاعب يشترك من بداية المباراة لحد الدقيقه 60 بياخد نقطتين .. أقل من كدة بياخد نقطة واحدة مشاركة

- الللاعب المميز خلال الماتش بياخد نقاط اضافية

لو عايز تغير فريقك خالص ومتكتفيش بس بالتغيير الاسبوعى بتعمل خاصية wildcard ودى بتتعمل مرتين بس فى السنة كلها ..

IMG_20170712_123558_832.jpg

ممكن تدخل كود اى دورى مع اصحابك او المواقع الكبيرة وتبتدى تتنافس بشكل ممتع وصدقنى لو عملت كده هتتبسط واستمتاعك بالبريمرليج هيتضاعف وكمان فيه جوايز قيمة جداً للي بياخد مركز على العالم 


شارك هذا المقال: