بالفيديو .. إعلانات " اليورو " أسخن من الماتشات والمدرجات !

أحمد سامي


تعالوا نبعد شوية عن اعلانات رمضان, و نشوف أكبر شركات العالم و مؤسساتها استغلوا الحدث الأكبر في 2016 , اليورو , عشان يسّوقوا منتجاتهم .. خمس صواريخ اعلانية مبتكرة كل واحد فيهم بمثابة قصف جبهة للشركات المنافسة ..

Lufthansa

أول صاروخ اعلاني كان للخطوط الجوية الألمانية Lufthansa , اللي قصفت جبهة من خلال فكرة اعلانية بتعتمد فيها علي العداء التاريخي في الكورة بين الألمان و الانجليز , و التفوق الأذلي للألمان , لمشجع أنجليزي ملحقش تذكرة سفره لليورو غير من خلال Lufthansa , و اللي أبهرته ال service علي خطوط الطيران بعد ما كان متخيل انها هتبقي ميكروباص مش طيارة !



Paddy Power

انجلترا , ويلز , أيرلندا الشمالية .. وصلوا لليورو , لكن الدولة الباقية من التاج البريطاني ,اسكتلندا , للأسف متأهلتش .. لكن ده مامنعش شركة Paddy Power للمراهنات انها تروج لأفكارها من خلال اعلان عبقري , بيصوروا فيه الشعب الاسكتلندي مش زعلان من عد م الوصول لليورو , لأنهم بكل بساطة رهانهم هيبقي أن انجلترا و أيرلندا و ويلز .. هيخسروا !


Mars

الصاروخ التالت كان من خلال شركة Mars الانجليزية لمنتجات الشوكولاتة, و اللي في اعلانهم صوروا الشعب الانجليزي قرر يعوم في القناة الانجليزية عشان يوصلوا لفرنسا – بدل ما يستخدموا Lufthansa , قصف جبهة مضاد ¬¬¬¬- و بفرسان شايلين علم Mars و شعارها الرئيسي Believe بيدو أمل لكل الانجليز في بطولة أفضل !


BBC Wales

في اعلان جميل من BBC Wales بيحكي تاريخ اخفاقات منتخب ويلز في الوصول لأي طولة كبري , من خلال قصة طفل ويلزي مستني منتخب بلاده يوصل لبطولة كبيرة من الخمسينيات , لغاية ما أخيرا منتخب بلاده وصل ليورو 2016 و هو جد , It’s been worth a wait



Nike

و أخيرا الصاروخ الأكبر من شركة Nike اللي أنتجت فيلم اعلاني قصير , مش هحرقهولكوا فكرته و هسيبكوا تستمتعوا بيه , لكن عمرك ما سألت نفسك , هتعمل ايه ..لو في مرة صحيت و لقيت نفسك بقيت .. كريستيانو رونالدو ! و ياتري هل أي حد ممكن يبقي في يوم .. كريستيانو !


شارك هذا المقال: