10 رجالة الزهر لعب معاهم أكتر منك في 2016

دينا حشيش

أحمد أبو هشيمة

-.jpg

إذا كنت فاكر إن أكبر إنجازات أبو هشيمة هى جوازته من هيفا وهبي، فأحب أقولك إنك غلطان. رئيس مجلس إدارة مجموعة حديد المصريين بدأ يكون إمبراطورية إعلاميه بعد شراء أسهم قنوات "أون تي في" من رجل الأعمال نجيب ساويرس.
ناس كتير بتقول إن مش بعيد تلاقي أبو هشيمة في منصب سياسي كبير قريب، بس أظن حلم كل رجل اللي هو يعرف يحققوا وإنتوا لسه إنه قابل أشهر لاعبة كرة قدم في االعالم، كريستيانو رونالدو ولايونيل ميسي.

كريم الشيتي

unnamed.png

نقدر نقول نائب رئيس مجموعة ترافكو للسياحة، كريم الشيتي، كان من أكتر الرجالة اللي الزهر لعب معاهم السنة دي. هتسألني لية؟ لا هاقولك علشان هو مليونير مصري يوناني، ولا هاقولك أصله أكبر المستثمرين السياحين في مصر والشرق الاوسط. هاقولك كلمتين بس: أنا بياتريس. الشيتي إتجوز أحلى سوبر موديل في فيكتوريا سيكريت.

لو مش عارف إيه فيكتوريا سيكريت، هو أكبر محل ملابس داخلية في أمريكا والموديلز بتوعه مبيهرجوش. الشيتي بقى إتجوز أحلى واحدة فيهم في اليونان، وعمل فرح إتكلف ٥ مليون يورو، وإنت لسه مستني الكراش يعملك لايك على بوست من تلات أسابيع.

محمد مغربي

unnamed.jpg

شخص عادي جدا، لقى إيفنت "صورتك وإنت صغير" تريندنج على فيسبوك، راح حاطط صورة، وفجأة جاله ١٥٠٠ عرض جواز. الرجل ده عرف بصورة يعدي فترة الكراش والصالون والخطوبة. يا عيني علينا.

محمد رمضان

unnamed-4-.jpg

مش مهم إنت بتحبه أو لا ومش مهم إنت رأيك إيه في اختياراته لأدواره. المهم إنه قدر يشتري عربيتين لامبورجيني ورولز رويس وإحنا بنعيط على سعر البيكانتو على السوشيال ميديا.

محمد ممدوح

unnamed-1-.png

ممثل بقاله فترة على الساحة الفنية، لكن من غير منافس، دمر واقع التمثيل في رمضان بعد أدائة الرائع في مسلسل جراند أوتيل. البلد كلها قلبها إتقطع وهي بتتفرج عليه وإحنا متوقعين إن ٢٠١٧ هنشوفه في أجمد أدوار التليفزيون والسينما.

رمضان صبحي

sob7y-6-.jpg

إحترف كرة القدم في إنجلترا في نادي ستوك سيتي بعقد وصل إلى 6.5 مليون يورو، وبعدين خطب أخت شريف إكرامي، وكل ده وعنده ١٨ سنه بس. ياترى وإنت في سنه كنت بتعمل إيه؟

مروان يونس

unnamed-1-.jpg

بدون شك، ٢٠١٦ كانت سنة السعد لمروان يونس بعد ما قال كلمة "بجد". من ألذ الناس اللي بتنزل فيديوهات على السوشيال ميديا، تقريبا كل الناس متابعاه ونادرا لما حد بيهاجمه، والنهاردة بقى عنده حوالي ٢٤٠ ألف فولوير قاعدين مستنين فيديوهاته الجديدة.

يوسف بياع الفريسكا

unnamed-2-.jpg

بياع فريسكا بسيط، روحه حلوة، بيحب المزيكا والموضة وعمل لنفسه لوك مختلف.
واحد صوره فيديو وهو بيغني للناس في الشارع، وقاله إنة متضايق إن الناس بتتريق عليه وتنتقد فيه، مع إنه بيحاول ينشر طاقة إيجابية في الشوارع أثناء بيع الفريسكا. بسرعة البرق قصته لمست مصر كلها وأصبح أشهر بائع فريسكا في البلد، وكسب منحة كمان. 

الولد بتاع إعلان الدوندو

unnamed-2-.png

طفل مايزيدش عن ٣ سنين وبكلمه واحدة بقى أشهر من نار على علم في مصر.

أحمد شيبة

mNpYP4J.jpg

مينفعش نتكلم عن اللى الزهر لعب معاهم فى 2016 من غير منتكلم على صاحب المصطلح نفسه أحمد شيبة ... المطرب اللى عمل الاغنية اللى بنفس الاسم وحققت شهرة غير طبيعية وبقا يعمل حفلات برة مصر والفيديو بتاعها اتشاف حوالى 114 مليون مشاهده ! وكانت اغنية 2016 بلا منافس


شارك هذا المقال: