بالأرقام .. عادل إمام أغني ولا دولة زيمبابوى ؟

أحمد صلاح
شارك هذا المقال:

علشان كلنا فى رمضان بنتابع التلفزيون - سواء بقا الـى له فى التلفزيون او الـى مالوش - بيعتبر شهر رمضان هوه الموسم بالنسبه لكل المنتجين عن اى وقت فى السنة ولا بقه تقولى فيلم عيد كبير ولا صغير ..
99% من انتاج المسلسلات طول السنه بتتعرض بس فى شهر واحد وباقى السنه تبقى قاعد قدام التلفزيون مش لاقى أى مسلسل جديد إلا لو بتتفرج على مسلسل فاتك فى رمضان ..
تعالو بقه نتكلم بالأرقام وبالفلوس ...

هل تعلم !

إن كل مسلسلات رمضان 2016 - وهما تقريبا 28 مسلسل - تكلفتهم 2 مليار ونص جنيه وده يساوى ميزانية دولة جيبوتى لعام 2013
" يعنى دولة زى جيبوتى تقعد تنفق سنة كاملة على الموظفين كأجور ومشاريع وخدمات حكومية وإحنا ننفقهم فى شهر على شوية مسلسلات "
وكل الرقم ده ويعتبر كمان المنتجين مش نازلين بتقلهم وده على حد قولهم إن فيه نقص فى السيولة وإن فيه مسلسلات واجهت أزمات إنتاجية بعد تصور أكثر من حلقة زى مثلا مسلسل ليلى علوى وخالد الصاوى " هى ودافنشى "

egypttoday-hh14.jpg

طيب .. هل تعلم بردة !!

إن مسلسل زى " مأمون وشركاه " لـ عادل امام أجره فى الـ 30 حلقة 40 مليون جنيه ؟!! وده ضعف ميزانية دولة زيمبابوى لعام 2014
ومش كده وبس لا ده تقريبا 70% من تكلفة العمل هى أجر الفنان عادل امام فقط والـ 30% الباقية بقه هيا اجور الممثلين ومصاريف الإنتاج .. وده المركز الأول كأكبر أجر فى نجوم مسلسلات رمضان لعام 2016 بعد رفع الأجر عن السنه الـ فاتت الـ كان 36 مليون جنيه .

طيب أجور باقى الفنانين كاااام ؟؟

المركز الثانى : يحيى الفخرانى 28 مليون جنيه عن مسلسل "ونوس"

المركز الثالث : محمود عبد العزيز 27 مليون جنيه عن مسلسل " رأس الغول "

المركز الرابع : محمد رمضان 24 مليون جنيه عن مسلسل " الأسطورة "

المركز الخامس : محمد منير 22 مليون جنيه عن مسلسل " المغنى "

المركز السادس : غادة عبد الرازق 22 مليون جنيه عن مسلسل " الخانكة "

المركز السابع : مصطفى شعبان 18 مليون جنيه عن مسلسل " أبو البنات "

المركز الثامن : نيللى كريم 17 مليون جنيه عن مسلسل "سقوط حر "

المركز التاسع : يسرا 15 مليون جنيه عن مسلسل " فوق مستوى الشبوهات "

المركز العاشر : يوسف الشريف 14 مليون جنيه عن مسلسل " القبصر "

المركز الحادى عشر : طارق لطفى 10 مليون جنيه عن مسلسل " شهادة ميلاد "

أما عن أقل أجر فهو لداليا البحيرى 5 مليون جنيه عن مسلسل " يوميات زوجة مفروسه 2"