اللونج ديستنانس صعبة يا رجالّة

يوسف وائل

اليومين دول، شباب كتير جدًا بتدّور على فرص علشان تسيب البلد، يكمل جامعة برا، يلاقي منحة، أو حتي لو خلص جامعة يعمل ماسترز، أو حتى لو خلّص كل ده، يلاقي شغل في بلد ظروفها أفضل وفيها أستقرار عن هنا دلوقتي. المهم، إن نسبة السفر لفترة مش قليلة بقيت أعلى. 

ساعة الكلام عن الغربة، كله بيتكلم عن الأهل والصحاب وإنك هتوحشك البلد حتى لو قعدت في بلد أحسن منها مليون مرة، بس فيه حاجة مش بنتكلم فيها ومش واخدة حقها، يمكن علشان رجالّة وما نبحش نبّين أوي مشاعرنا اللي من النوع ده، ويمكن علشان بتبان أسهل حاجة رغم إنها أصعب حاجة؛ الـلونج ديستانس ريلاشنشيب. 

شبح الغيرة يترنح:

nervous-break.jpgwww.thefrisky.com:مصدر الصورة

أول حاجة بتيجي في بال أي حد لما نتكلم عن النوع ده من العلاقات هي الغيرة، اللي لو ماكنتش موجودة، بتبقى موجودة، ولو كانت موجودة بتزيد أضعاف، يعني صاحبتك بتطلب منك تقلل خروج وسهر وتفضل تسأل قابلت مين وعرفت مين ومين اللي معاك في الصور وتقعد تتكلم معايا ولا هتنزل تخرج، وانت ممكن تبقى منتهى الوفاء بس برضه عايز تستمتع بوقتك. حظك بيبقى عالي أوي لو كانت هي مدياك ثقة ومش من النوع ده، ده بيريّحك وبيخليك انت كمان تقدّر ده. لكن في أغلب الأحوال، أكيد الغيرة بتبقى أول مشكلة..بس مش المشكلة الوحيدة.

الوَحشَة..الوَحشَة الشديدة جدًا: 

man-with-a-bear.jpgمصدر الصورة: img.corbisimages.com 

آه إحنا رجالة، بس برضه عندنا إحساس ومن أوحش الأحاسيس اللي ممكن واحد يعيشها هو إن صاحبتك أو اللي الست اللي بتحبها ومرتبط بيها تبقى بعيدة عنك، في بلد تانية أو في قارة تانية، يعني ممكن تبقى تمام وتتفصل فجأة في وسط اليوم علشان صاحبتك وحشاك ومفيش حاجة تقدر تعملها

السكايب والڤايبر والواتساب..ما يسدوش:

Facebook-Messenger-vs-WhatsApp-Viber-and-Skype.jpgمصدر الصورة: www.product-reviews.net 

التطور التكنولوچي زي ما بهدل حياتنا في حاجات، ظبطها في حاجات، وأكيد الوسائل بتهّون البعد شوية، بس ممكن تيجي في وقت وتحس إنك في علاقة مع الموبايل مش مع الطرف الآخر وبتحس بغيظ رهيب إنك بتتكلم وشايف صاحبتك اللي عايز حالًا تبقى معاها بس مش عارف.

الميزة الوحيدة تقريبًا: 

couples.jpegمصدر الصورة: www.jacobsonphotography.com

ألطف حاجة هي إن لما بتقدروا تتقابلوا أجازات أو واحد قدر يسافر شوية للتاني، الدنيا بتبقى لوز. مفيش قفش. مفيش إلا محاولات مستمرة للانبساط وعدم تضييع الوقت، بتبقى حاجة زي الهاني موون كده. 

واللي أقدر أقوله في الآخر إن النوع ده من العلاقات متعب بس ممكن ينجح لو الاتنين فعلًا بيحبوا بعض وشايفين إن علاقتهم تستحق العذاب ده لفترة، وربنا مع كل شاب في لونج ديستانس ريلاشنشيب. 


شارك هذا المقال: