هل الزبون دايماً على حق فعلاً ؟

أحمد سامي

هل الزبون دايما علي حق ! دي من أكتر الجمل اللي ممكن نسمعها و دايما في فريقين , فريق بيتجه ناحية ان العميل دايما على حق، لأن العميل هو أساس البيزنس ولو مفيش عميل يبقى مفيش بيزنس , وفريق تاني بيتجه ناحيه مفيش حاجة اسمها العميل دايما على حق، لأن ده بييجي ع حساب الناس اللي شغالين والحق ده بيمنح العميل الصلاحية لكل حاجة ودي بتبقى معادلة غير عادلة

لكن من خلال المقال ده هانوضح شوية أسباب ممكن تخلي الجملة الشهيرة دي مش صح :

1- بتدي العملاء السيئين ميزة غير عادلة

باستخدام شعار “العميل دائما على حق” ممكن العملاء السيئين يطالبوا بأي شيء حتي لو هم مش على حق و ده بيخلي عمل الموظفين أصعب بكثير و كمان هايخلي العملاء السيئين ياخدوا معاملة أفضل من الناس المحترمة .

2- نتائج أسوأ لخدمة العملاء

الشركة والإدارة اللي بتنحاز بإستمرار في صف العملاء بدل من الموظفين بيدوا للموظفين الانطباعات دي :

• الموظفين مالهومش أي قيمة .

• معاملة العملا للموظفين غير مهمة.

و بالتالي الموظفين مع الوقت هايحصلهم حالة من المبالاة في خدمة العملاء!

3- اختار الشريحة الصح

مش كل العملا اللي بيجولك من الشريحة المستهدفة للخدمة اللي بتقدمها , عشان كده بتكون طلاباتهم مبالغة و مش حقيقية و ممكن يضروا البيزنس بتاعك و يعطلوك عن خدمة العملاء المستهدفين
لذلك أحيانا النوع ده من العملا الأحسن مايخدش منك الخدمة .


شارك هذا المقال: