بعد أسعار الدهب .. إعرف محتاج كام علشان تخطب !

فريق راجل. دوت كوم
شارك هذا المقال:


طبعاً الأسعار وجنونها موضوع لايخفي على أحد دلوقتى ...واللى خطب عدى بالشبكة واللى اتجوز الله يعينه علي مصاريف بيته .. إنما اللى عايز يخطب بقا يعمل إيه ؟

هنقولك بقا المفروض يبقا معاك كام فى المتوسط علشان تقدر تشترى شبكة وتخطب فى أقل أقل الخييارات المتاحة وفى أفضل أفضل الظروف !

هات ورقة وقلم وتعالى 

-_f_improf_1024x762.jpg

أسعار جرام الدهب فى مصر بقت بتلعب بين 500 و 700 جنيه للجرام الواحد على حسب هتجيب عيار 18 ولا 21 ولا 24 .. لو افترضنا ان ربنا هيوقعك فى بنت الحلال وأهلها ناس كويسين ومقدرين الظروف وهيقولك اخطبها بدبلة وخاتم بس مش محتاجين شبكة ...

لو افترضنا ان الدبلة والخاتم دول هيعملو بتاع 20 جرام ... اضرب 20 فى 600 اللى هو متوسط سعر الجرام من غير مصنعية هيكون الناتج 12000 جنيه .. ده غير اللبس بتاعك هيعمله بتاع 2000 جنيه وكام علبة عصير لو الخطوبة عائلية على بوكيه الورد وما يستجد .. يعني قول

1000 كمان مصاريف اضافية
يبقا كده علشان تخطب بأقل مصاريف ممكنة ومن غير شبكة قريباً هتحتاج
12000 دبلة وخاتم + 2000 بدلة ولبس + 1000 جنيه مصارف اخرى
= 15 ألف جنيه

wedding-rings.jpg

ممكن تحس إن المبلغ عادى وممكن ومش رقم كبير ... بس لو رجعت لفترة قريبة وحسبت نفس الحسبة قبل السعر ما يتجنن كدة هتلاقي إن نفس مبلغ ( 15 الف جنيه ) كان جابو فى المتوسط 60 لــ 70 جرام دهب .. مش دبلة وخاتم بس ...

وربنا يعينك بقا على الشقة والعفش يا وحش ... ده حوار تانى هنبقا نقولك عليه بعدين ..