7 أسباب تخليك تتفرج على فيلم الكنز

فريق راجل. دوت كوم


صحيح إن فيلم الكنز مش رقم واحد فى إيرادات أفلام العيد ولكن لو كنت مهتم بالسينما هتحتاج تتفرج عليه ومتفوتوش وده لعدة أسباب :

1 - افلام شريف عرفة كلها بتصبح علامات بعد كدة فى تاريخ السينما زى اللعب مع الكبار والمنسي وفول الصين العظيم والناظر ومافيا والجزيرة ، حتى لو منجحتش على مستوى الايرادات تقدر تقول سابق عصره

sh.jpg

2- الكاتب عبد الرحيم كمال صحيح اول مرة يكتب فى السينما ولكن اعماله التليفزيونية جديرة بالاحترام وكان ابرزها شيخ العرب همام والخواجة عبد القادر وونوس للفنان الكبير يحي الفخرانى ,, وده يخليك قدام عمل ملحمى جديد

3 – الصورة مختلفة تماما ولأن الفيلم بيدور فى 3 عصور مختلفة فعينك بتتمتع مابين العصر الفرعونى وعصر مصر المملوكية و الخمسينات

4- هتشوف محمد سعد ( اللمبى ) بشكل مختلف تماما وبعيد عن اى حركات هذلية او شخصية ليها ابعاد كوميديه ، الدور اللى بيلعبه ( بشر باشا ) دور محورى ومركب واثبت قد ايه انه ممثل عملاق

870.jpg

5- الجزء الفرعونى مفيهوش أداء مبهر أوى من هند صبرى او هانى عادل وتحس انهم مثلو الادوار دى قبل كده ولكن محي اسماعيل عامل دور الكاهن ببراعه ... تضحك من قلبك وتكرهه من قلبك .. ودى عودة لأدوار محي اسماعيل من جديد فى السينما

6 – محمد رمضان النجم اللى اسهمه عليت بشده الكام سنه اللى فاتوا عامل دويتو عظيم جدا مع روبى بيرجعنا لزمن الثنائيات العظيم ، والمشاهد اللى بينهم فيها من الرومانسية وخفة الدم اللى يخلوك تستاهل تتفرج

47220170821100829829.jpg

7- الفيلم ليه جزء تانى مرشح ليه نجوم كبار للمشاركه فى احداثه ، لو نزل قريب مش هتبقا فاهم اوى الاحداث لأنها هتبقا مترتبه على بعضها


شارك هذا المقال: