خطة الهروب الكبير من الشتا والبرد

أحمد صلاح
شارك هذا المقال:


" حار جاف صيفا دافىء ممطر شتاءً " اكتر جملة اتخدعنا فيها وللاسف كنا مصدقينها واحنا صغيرين واكتشفنا انها كدبة كبيرة لما كبرنا .. هو فين الـ دافىء شتاءا ده !! لا وكل موسم شتا تلاقى الشتا الـ بعديه اسقع واسقع لغاية ماخلاص اتجمدنا .. طيب وبعدين هانفضل مستسلمين .. ؟

لا . . مش هانفضل قاعدين تحت البطانيه وهربانين من البرد ونفضل ننفخ وندفى فى ايدينا من الساقعه تعالى نفكر اننا نروح مكان دافى والشمس طالعه فيه طول اليوم وده الـى ناس كتير دلوقتى بتفكر فيه بدل الفريزر الـ احنا عايشين فيه ده .. فيه اماكن كتير ممكن نروحها ونشتى فيها فى اجازة نص السنة

924501Capture.PNG

فيه اماكن كتير فى مصر واماكن كتير بره مصر

الاقصر واسوان

معروف من زمان ان الصعيد هو اكتر الاماكن بتكون دافيه فى الشتا فعلا بس برده فى الليل بيكون فيه شوية برد بس مش البرد بتاعنا اكيد واكتر وقت فى السنه بتكون عليهم اقبال هو فصل الشتا وخاصه من شهر 12 لشهر 2 تقريبا وهتكون بالنسبالك رحلة سياحية مش بس عشان الجو لان معروف ان بلد زى الاقصر فيها تلت اثار العالم

1111.jpg

22222.jpg

دهب وطابا

لو بتحب بقا المناظر الطبيعية والبحر يبقا عليك بدهب او طابا ودول فى منطقه سيناء لان فى الوقت ده من السنة بيكون بالنهار الجو هناك دافى حتى وهيا بتشتى تلج الـ هتلاقيه على قمم الجبال هناك ده غير بقه الشعاب المرجانيه والينابيع

333333.jpg

سيوه

ودى بقه تروحها لو ليك فى جو الهدوء والمناظر الطبيعيه لانها اجمل محميه طبيبعي فى مصر وهيا فى الصحرا الغربيه تقريبا كده 300 كيلو مرسى مطروح

44444.jpg

طيب لو عايز حاجه بره مصر تعالى اقولك على مفاجأه حلوه اوى .. ايه هى ؟

فى بلاد بتشجع السياحه وبتقدر تطلعها من غير تعقيدات وتأشيرات وفيزا والحوارات دى بس بتذكره السفر وتحجز هناك فندق وبس !! مش كده وبس دى اسعارها هناك كويسه جدا مقارنه بمصر

زى ماليزيا ولبنان وهونج كونج والمالديف هما تقريبا كده 18 دوله تقدر تطلعهم بالباسبور بس ,هكلمكم اكتر عن ماليزيا

55555.jpg

الموضوع مش صعب

اول حاجه هاتروح تحجز تذكره طيران لماليزيا

تانى حاجه هاطلع تصريح امنى من المجمع

تالت حاجه هاتحجز من بوكينج او اى موقع حجز مكان تقعد فيه هناك

بس كده وانت اول ماتوصل فى المطار هناك هيدوك تصريح لمده 90 يوم فى البلد سياحه

اكتر حاجه هتكون مكلفه فى الموضع هو تذكره الطيران وخاصه بعد موضوع تعويم العملات الاجنبيه دا لان عمله ماليزيا الـ هي الرينجت كانت ب 2 جنيه بس بعد التعويم تقريبا اتضاعفت وبقت بـ 4 جنيه يعنى تمن الرحله اتضاعف تقريبا وهو دلوقتى 5000 الاف جنيه ودا رايح جاى مش رايح بس

888888.jpg

انما الفنادق هناك مافيش ارخص منها واليوم بيبدأ من 150 جنيه !!! ايوه بالظبط من 100 جنيه وده بيبقى فندق نجمتين يعنى ممكن تقعد 5 أيام هناك بـ 500 جنيه , ومصاريفك هناك مواصلاتك واكلك رخيصه جدا جدا

وهتشوف اماكن كتير اثريه و مناظر طبيعيه جميله وجزر اهم الاماكن دى هيا

Petronas Twin Towers

99999.jpg

اشهر برجين توأم

Batu Caves

777777.jpg

اشهر معبد هندى

ده غير ان ممكن من هناك تركب طياره وتروح اندونسيا تقضيلك يومين وتاخد الفيزا ب 35 دولار بس وبرده الاسعار هناك رخيصه ... يالا فكر فيها وشوف واحد صاحبك واطلع غير جو ومتستناش شهر العسل