8 شخصيات رعب مصرية ممكن تستعين بيهم فى الهالوين !

شيماء عادل

بمناسبة الهالوين وكده، وسواء كنت من الناس إللى بتحب تهيس فى أى هالوين بارتى أو مالكش فى الجو دا خالص ففى حاجة كلنا بناخد بالنا منها وهو إننا كمصريين دايما بنتقمص أدوار شر من شخصيات أجنبية زى الساحرة الشريرة، دراكولا، مستئذب من فيلم معين، شخصية من فيلم رعب زى

saw, the garage, Hannibal, chucky, freddy وغيرهم وكأننا معداش علينا أى شخصية مرعبة فى مصر سواء فيلم أو رواية مثلا. ودا طبعا مش حقيقى لأننا من أفلام الأبيض والأسود وإحنا عندنا ثقافة الرعب دى ونقدر نطلع شخصيات نتقمسها فى يوم زى دا وتكون قادرة توفى

الغرض وترعبك بشكلها ولبسها وأسلوبها، حقيقى عندنا مجموعة من الشخصيات المرعبة إللى تقدر تشرفك فى الرعب بس كل الحكاية إننا نعرف نديها حقها ونبروزها صح مع شوية مؤثرات كده وتبقى تمام.

unnamed.png


طيب الشخصيات دى زى ميين يعنى؟! تعالى أقولك

1- المستئذب المصرى

unnamed-1-.jpg

آآه تخيل عندنا مستئذب!! وكمان كنا من أوائل الناس إللى عرضت فكرة وشكل المستئذب فى السينما، والكلام دا من أيام الخمسينات! وبالتحديد 1954 فى فيلم "حرام عليك" ويمكن يكون الغريب شوية فى الفيلم دا إنه بالرغم من تجميعه لحوالى 3 شخصيات مرعبة إلا إنه كان فيلم بطولة إسماعيل

ياسين وعبد الفتاح القصرى يعنى من الآخر فيلم كوميدى.. ويمكن تحليل دا إننا مكناش قادرين نطلع فيلم رعب بيور كده والناس تتخض وتترعب فى السينما علشان كده مزجوا الرعب بالكوميديا. 

2- عندنا ساحر شرير برده

unnamed-4-.jpg

من نفس الفيلم كان ستيفان روستى عامل دور الساحر الشرانى بشكل تحفة فى الوقت دا، مش بس اللبس والمكياج إللى يمكن يكونوا بسطاء أوى لكن الفكرة كلها فى طريقة الأداء والتمثيل وإزاى كان فى الخمسينات وقادر يأدى الرعب بالشكل دا 

3- المومياء

unnamed-9-.jpg

وتيجى الشخصية التالتة والأخيرة فى الفيلم إللى رعبنا كلنا وإحنا صغيرين ويمكن يكون أول تجربة مرعبة مرنا بيها وهى شخصية المومياء إللى كانت فى الفيلم دا وإللى قدروا يطلعوها بشكل بجد خرافى نسبة لإمكانيتهم وخيالهم وقتها. حتى المؤثرات والمكياج فى الشخصية كان جامد جدا والأداء وهى بتتحرك والصوت إللى بتعمله تخلينا ممكن نتقمص الشخصية دى ونقدر نرعب بيها.

4- سفير جهنم

unnamed-10-.jpg

فكرة تجسيد الشيطان مش بس موجودة فى الأفلام الأجنبية الحديثة لأنك لو غاوى رعب ورجعت شوية كتير بالزمن لسنة 1945 هتلاقى إن العبقرى يوسف وهبى جسدها فى الفيلم دا، زى ما قولنا يمكن الإختلاف الوحيد زمان هو إننا مكناش بنقدم رعب من إللى هو ممكن يجبلك سكتة قلبية دا لكن كنا بنعرف نجسد الشخصيات المرعبة كويسة وبنعرف نعمل خدع ومؤثرات ومكياج حلو.

5- الدجال شيطان بقرنين

unnamed-14-.jpg

فيلم التعويذة دا ميكس كده من الدجل والشعوذة إللى هما بيكونوا خامة حلوة للرعب وبين الرعب فى إكتشاف الحقيقة إن الدجال دا هو عبارة عن شيطان.
الفيلم دا مش قديم أوى كان تقريبا سنه 1987 والقصة والسيناريو حاولوا يعملوا حالة الرعب ويعيشوك تجربة خوف بس بالرغم من حداثة الفيلم نسبيا إلا أنه كان ممكن يتلعب بأسلوب وأحلى من كده ويطلع بشكل أجمد بكتير.

6- كامب

unnamed-13-.jpg

بالرغم من إن الفيلم دا هو الأجدد والأقرب لأسلوب أفلام الرعب الأجنبية إلا إنه ألش شوية ومتنفذش صح ويمكن علشان كده محققش نجاح كبير، ويمكن قلة الخبرة فى فريق العمل كله كانت برده سبب من الأسباب. بس كل دا مش مهم، المهم إنك تشجع بلدك ولو كده كده هتلبس ماسك فممكن تخليك فالماسك بتاع الفيلم دا...أهو مرعب برده

7- سفاح النساء

unnamed-3-.jpg

من باب الوطنية والإنتماء برده إنك لو حبيت تتقمص دور سفاح فالسينما المصرية قدمتلك الشخصية دى بطريقة مختلفة، صحيح شكله مفيهوش حاجة تخوف لكن الفكرة كلها فى الأداء يا جماعة، الجزمة الأبيض * أسود، الحركات، مفيش مانع برده لو مسكت خنجر فى إيديك كده ولا حاجة. لكن نرجع ونقول برده إن الشخصية دى زيها زى معظم الشخصيات القديمة جاء تجسيدها فى إطار كوميدى...تقريبا الشعب زمان مكنش يستحمل الرعب إللى على حق ودا يديلك المساحة إنك تختار أى شخصية من دول وتلعبها أنت بقى صح وتبدع وتبتكر براحتك.

8- أبو رجل مسلوخة

-.jpg

من أكتر الشخصيات المعروفة فى تاريخ الرعب المصرى ومع ذلك محدش بيحاول يفتكرها فى اليوم دا. والغريب إنها شخصية روائية أو موجودة فى القصص بس ومحدش أبدا حاول يجسدها فى فيلم رعب.


شارك هذا المقال: