نظريات مضمونة للهروب من هدية الفلانتين الملعونة !

أحمد صلاح

يوم ورا التانى وانت نازل شغلك او كليتك تلاقى الشوارع لونها قاعد يحمر .. فى ايه ياجدعان ايه كل الحمار دا !!! ده الفلانتين ياباشا .. موسم بقه كل سنه وانت طيب .. الورد الاحمر والدباديب الحمرا وكل الحاجات الحمرا تلاقيها متعلقه قدام محلات الهدايا ..

واللى يجى فى بالك علطول " فلانين ايه بس ياجدعان .. دا مابقاش وقته ولا زمانه " .. هو فعلا فى الزمن دا كل واحد مننا ماشى ببركه ربنا .. انما يطلع من جيبه عشان يشرتى هديه للفلانتين ده مش عدل ...

وعمتا الفلانتين دا له ناسه برده.. ازاى !! .. يعنى المخطوبين مش زى المتجوزين ..

small-315152031504523694.jpg

الكابلز اللى بيحبوا بعض او المخطوبين هما اللى تلاقيهم بيهتمو بالسطحيات دى هههه.. يعنى تلاقيه قاعد قبليها باسبوعين بيفكر فى هديه ويعملها مفاجأه ويصحى بدرى ويطلع على كليتها ويفاجأها هناك مع اصحابها .. الخ..

انما العالم المتجوزه بقه دى عالم عقلانيه بيفكروا بعقلهم لو حصل وجبتلها هديه فلانتين هتلاقى بس الفلانتين جه بعد شهرين تلاته من جوزاهم انما لو اكتر من كدا .. لو هيا عملتلك "ريد فالفت او تورتايه على شكل قلب " تبقى بنت حلال

طيب دلوقتى ازاى تهرب من الهديه بشياكه ..

1/ نظرية ايه التفاهه دى !!

ودى هتوصل لحبيبتك انك مستاء جدا من اهتمام الشباب بحاجه زى الفلانتين والافوره بتاعتهم وان حياتكم كلها لازم تكون كل يوم فلانتين وان الهديه مش لازم تكون فى الفلانتين .. حسسها انك عميق ومش سطحى زى العيال السيس بتوع الفلانين

2/ نظريه العركه

اعمل حسابك من يوم 10/2 كدا وقبليها بأربع ايام انك تقفلها على اى غلطه واى حاجه تافهه كبرها عشان تتشغلوا وتنسوا ان فيه فلانتين اصلا وصالحها صباح يوم 15 /2

17325172-og.jpg

3/ نظرية ورده حبنا

ودى النظريه بتاعت اكترمن 50% من المرتبطين وهيا ان الهديه مش بقيمتها وانك يكفى انك افتكرتها بورده حمرا وكلمتين حلوين

4/ نظرية لما أرجع

ودى مش هتنفع غير للناس اللى شغلهم بيكون فى مأموريات فى اماكن بعيده ودى لازم وانت بتحط برنامج الشهر بتاع الشغل خلي يوم الفلانتين اول يوم سفر او تانى يوم بالكتير .. وتكلمها يوم 14 عادى وتقولها هابى فلانتين وتقولها اوعى تفتكرى انى نسيت الهديه .. لا لا دا انا لما ارجع هاخدك واخليكى تنزلى تختاريها بنفسك .. ونعمه الله النسيان

5/ نظرية الفلانتين دا بدعه .. وكل بدعه ضلال .. وكل ضلاله فى النار ..

اهو ياعم عندك 5 حيل تخليك تهرب بشياكه .. ولو انت عندك حيل احلى قولنا عليها والنبى


شارك هذا المقال: