4 برامج على موبايلك هتفيدك اثناء السواقة

مروان حازم

بيقولك:

bey2ollak.jpg

دة بقى يا سيدى واحد من اهم البرامج الى هتفيدك فعلا و انت سايق لانها بتفورلك وقت الزنقة فى الزحمة و بتقولك ايه الطرق الزحمة عشان تتجنبها وطرق الفاضية الى ممكن تاخدها عشان توصل مشوارك فى اسرع وقت ممكن. و غير كدة بتقولك على الطرق الى فيها حوادث او اصلاحات عشان تتجنبها خالص و كمان ضافوا خدمة انك تقدر تبعت تقارير بصوتك عن حالة الطريق الى انت فيه عشان تساعد غيرك و غيرك يساعدك و كله يستفيد.

Google maps:

googlemaps_78b60dde5b26fe078a19bbd16b0111ca.png
طبعا محدش فينا حافظ كل الطرق و فكيك فى كل الشوارع و اللى يقولك كدة يبقى كداب و اول واحد حيتوهك و يسوحك. طيب عشان تتفادى الفتى و التوهان حاول تتعلم ازاى تستخدم جوجل للخرائط دة لانه فعلا ممكن ينقذك فى مواقف غريبة زى توهان المعادى مثلا. و الموضوع سهل والله انت بس محتاج تعرف تكتب العنوان بالتفصيل و بهدوء و هتلاقى البرنامج عمل الى عليه و زيادة لكن متدخلش تقوله عايز اروح بيت خالتى و عايزه يتنبأ الطريق و العنوان.

Safe Driving App: Drivemode:

unnamed.png
البرنامج دة بقى خطير بجد و هيوفر عليك كتير لانه بحيميك من انك تفضل تبص على شاشة الموبايل طول ما انت ماشي لا هو بيعتمد على لمسك للشاشة فى اتجاه معين من غير ما تبصله و هو بيحولك للى انت عايزه و لو حد اتصل بيك بيحول الشاشة كلها لاداة رد يعنى لو ضغطت على الشاشة يرد و هكذا مش لازم تبص فى الموبايل تانى و تركز فى السواقة بقى و لا ايه؟ دة غير انك ممكن تبعت الرسايل من غير ما تلمس الموبايل اصلا عن طريق انك تقول الرسالة و هو بيبعتها و لما تجيلك رسالة بيقرهالك.

كتاب صوتى:

kkk.jpg

طبعا كلنا بنحب نسمع حاجة و احنا سايقين، طيب ليه منبقاش مستفيدين من الى بنسمعه و نحس احنا خرجنا بحاجة مفيدة و معلومة جديدة او حتى نسمع كتاب كان نفسنا نقراه بس مفيش وقت. البرنامج دة بقى من احسن البرامج الى هتحس انك فعلا مبسوط و انت بتسمع الكتاب لان فى اقسام كتير جدا روايات و كتب دينية و اعمال ادبية كبيرة و سير ذاتية.


شارك هذا المقال: