تعرف دجوكوفيتش بيحافظ على جسمه إزاى ؟

أحمد سامي

حاجات كتير محتاج تعملها عشان تبقي اللاعب رقم واحد في اي رياضة , تمرين كتير ,أعصاب حديد , و لو انت نوفاك دجوكوفيتش يبقي أكيد ليك نظام غذائي مختلف بيحافظ علي لياقتك الجسمانية و الذهنية . نوفاك- تسونامي التنس -و المصنف رقم واحد في العالم بيقدم لاي حد عايز يحافظ علي لياقته وصفته السرية البسيطة من الدايت و اللي من وجهة نظره ساعدته في تحقيق كل البطولات اللي فاز بيها و اللي يقدر أي حد يجربها .

وجبة الفطار
أول حاجة نوفاك بيعملها لما بيصحي من النوم هو انه يشرب كوباية ماية كبيرة و بعدين معلقتين عسل كبيرة . بعد كده بيدخل علي وجبة الفطار اللي قبلها بيسخن بشوية تمارين بسيطة و اطالات خفيفة .
و جبة فطار دجوكوفيتش بتتكون من الشوفان , اللوز , الموز و التوت .

1.gif

وجبة الغذاء
نولي في الغدا بيركز علي الكربوهيدرات و الخضروات عشان يحافظ علي نشاط جسمه و المجهود العضلي اللي بيقدمه خلال تدريباته , عشان كده في نص اليوم و جبته بتتكون من المكرونة و السلطة مع شوية زيت زيتون .

2.gif

و جبة العشاء
في العشاء نوفاك بيركز علي البروتين اللي بيكون شريحة لحم أو فراخ أو سمك السلمون مع شوربة العدس أو sweet corn

3.gif
وخلال اليوم ال snacks بتاعته بتبقي عبارة عن كوكتيل عصير التوت أو التمر اللي دايما بياكله خلال التمرين و المباريات عشان الطاقة .

4.gif
تفاصيل أكتر عن نظام واحد من أفضل الرياضيين الغذئي و وصفاته الصحية تقدرو تلاقوها في كتابه Serve to Win .


شارك هذا المقال: