موبايلي اتسرق .. أرجعه إزاى ؟

أحمد صلاح

كتير مننا مش بيبقى مأمن موبايله قبل ما يتسرق او يضيع منه ومابيعرفش يرجعه او يرجع منه اى داتا مهمه وخاصه لو الموبايل دا بيشتغل بنظام الاندرويد لان زى ماحنا عارفين ان الايفون نقطه الامان فيه عاليه شويه وممكن لو الموبايل اتسرق منك تمسح كل الداتا اللى عليه من حسابك على الاى كلود وتخلى الموبايل حته حديده فى ايد اللى سرقه ..

mobile-theft.png

انهارده جايبلكم تطبيق كويس مش بس لو الموبايل اتسرق دا ممكن تتحكم فيه من بعد ..

التطبيق اسمه lost andrid

وتقدر تحمله من الماركت ودا شكله

and1.png

بعد ماتحمل البرنامج هتختار الاختيار التانى وهو request admin rights ( الموافقه على حقوق البرنامج )

and2.png

بعد كدا هاتروح تفتح موقع البرنامج وهو androidlost.com

ad3.png

وعلى اليمين لازم تعمل الاول تسجيل دخول بحسابك على جوجل

ميزه البرنامج ده عن البرامج التانيه انك بتقدر تتحكم فى الخصائص بتاعته عن طريق الـ sms يعنى مش شرط يكون الانترنت عنده مفتوح او الـ gps مفتوح عشان تعرف مكانه

تعالو نشوف خصائص البرنامج

ad4.png

تقدر تفرمت الموبايل من على بعد

تقدر تقفل شاشه الموبايل

تقدر تمسح اى حاجه من الصور او الفيديوهات

تقدر تتبع مكان موبايلك عن طريق ال GPS

تقدر تعمل تنبيه من على بعد او وميض للشاشه ( ودا هيفيدك لو الموبايل ضايع فى البيت ومكسل تدور عليه )

تقدر تبعت اى رساله تظهر على شاشه الموبايل ( يعنى ممكن تقايض الحرامى اللى سرق الموبايل )

تقدر تحول كل المكالمات اللى هاتجيلك

تقدر تاخد صور بالكاميرا الاماميه والخلفيه

ابدأ بتسجيل موبايلك من خلال 3 خطوات من الموقع 

ad5.png

اضغط على Getstarted
وحمل برنامج كود الامان
سجل بيانات موبايلك
واعمل تسجيل دخول بالاميل من الموقع

وده فيديو شرح للبرنامج هيفيدكم كتير ..


شارك هذا المقال: