5 أغانى اتظلمت بسبب Despacito

أحمد سامي

بيقولك ياسيدي أغنية ديسباسيتو حصدت أكتر من 2 مليار ونص مشاهدة في خلال أيام , الأغنية الأسبانية اللي ترجمتها بالعربي – بشويش – واللي كلماتها كلها ايحاءات جنسية ,كسرت الدنيا مع أنها أغنية لا ترقي كثيرا كالحن غنائي لأنها تكسر الدنيا بالشكل ده , عشان كده هانحاول نفكركوا بأغاني في حقبة ما قبل الانترنت وصل شهرتها للكوكب كله , بدون يوتيوب و فيس بوك !

1- mas que nada

الأغنية اللي ظهرت سنة 1966 , للمغني البرازيلي سيرجيو مينديز , أغنية السامبا الشهيرة اللي بقت بعد كده الأغنية الرسمية لمنتخب البرازيل لكرة القدم اللي فاز بكاس عالم 70 و 94 و 2002 واللي ممكن تميز لحنها في أي اعلان عن منتخب البرازيل .

2- لمبادا

أغنية برازيلية مرة تانية , أنتجت سنة 1989 و حققت مشاهدة لأكتر من 20 مليون شخص في العالم , وده كان رقم كبير لأن مقيش انترنت ولا سوشيال ميديا , لحن الأغنية ممكن أي ودن تميزه حتي الان

3- ماكارينا

الأغنية الأشهر لجيل التسعينات , واللي صدرت سنة 94 عشان تتربع علي قوايم أفضل الأغاني في العالم كله , رقصتها الشهيرة اللي كانت بتترقص في كل حته من الأطفال للكبار , الطريف أن الأغنية دي كلماتها ماكنش حد يعرف معناها برده خصوصا أن ماكنش في انترنت يساعد الناس بسهولة للحصول علي معاني الأغاني و مؤخرا عرفنا أن الأغنية بتتكلم عن قصة بنت اسمها "ماكارينا" خططت لخيانة حبيبها مع اثنين من أصدقائه في وقت خروجه للالتحاق بالجيش

4- la copa de la vida

ريكي مارتن , المغني البورتريكي الأشهر , واللي سطع نجمه بسبب الأغنية دي , اللي كانت الأغنية الرسمية لكاس العالم 98 في فرنسا , الأغنية صدرت في الأصل باللغة الفرنسية لكن نجاحها الساحق , خلّي ريكي مارتن ينتج نسخة باللغة الأنجليزية

5- الكاتشب

فريق «الكاتشب» الاسباني المكون من ثلاث شقيقات , واللي صدرت ليهم أغنية بعنوان الكاتشب في 2002 , والرقصة الشهيرة للأغنية خلّتها تتربع علي قايمة أشهر الأغاني مع أنها برده كانت بالأسباني , وبعد النجاح كالعادة تم اصدار نسخة بالانجليزي .

يا تري الأغاني دي لو كانت ظهرت في عصر اليوتيوب كانت هاتحقق مشاهدة اد ايه !


شارك هذا المقال: