5 حاجات بيعانى منهم الراجل أبو دقن !

فريق راجل. دوت كوم


كلنا عارفين إن الدقن بقالها فترة "موضة" بشكل كبير بين الرجالة ، وكل ماتطول وتتظبط بشكل معين بتكون محتاجة عناية كبيرة علشان تفضل محافظة على الشكل والنضافة المطلوبين ، وكمان وجود " دقن " كبيرة فى وشك بيخليك تحس بحاجات ميحسهاش اللى " بينعمها " ..


• بتاكل شنبك
لو دقنك طولت فطبيعي كمان شنبك يطول ، ولو سبته زيادة عن اللازم من غير تهذيب وتظبيط هتلاقي الشعر الزيادة ناططلك جوة بقك ، وهيضايقك كتير وإنت بتتكلم ، وقد إيه بيكون إحساس وحش ورخم .. علشان كدة حاول تظبطه أول بأول.

mustache1.jpg

• دقنك بتاكل معاك
من أكبر المشاكل اللى بتواجه أصحاب الدقون الطويلة ، غصب عنك بتاكل حاجة فبتقع منك فتافيت صغيرة مكانها الطبيعي الأرض او المكان اللى بتاكل عليه ، ولكن مع الدقن فهتلاقي مكان ناعم وحنين تستقر فيه ، ويبقا منظرك مش ولابد ، كمان مع شرب الميه أو العصاير او أي سوايل لو نزلت كام نقطة على دقنك .. صباح التلزيق يامعلم .. علشان كدة خد بالك وخليك حريص وانت بتاكل ودايماً إستخدم منديل مع الأكل .

281E109A00000578-3059772-image-a-54_1430259730350.jpg

• إحساس توت عنخ امون
دايماً الراجل اللى عنده دقن ، بيحب – لامؤاخذة – يلعب فى دقنه بشكل محفوظ ( بيبرم الشعر بإيده ويشد لتحت ) ودى بيقولو عنها العلماء النفسيين حركة لا إرادية للتفكير أو للسرحان ، زى بالظبط حركة " الهرش " فى الشعر ، رجالة كتير بتحب " تبرم " دقنها لتحت ولا " توت عنخ آمون " فى زمانه.

tot.jpg

• ياشيخ !
فى بداية رحلة الوصول لدقن " cool" هتفضل محاصر بكلمة " شيخ " والناس بتناديلك مع كل تعاملاتك ، لأن ثقافة الدقن عندنا مرتبطة طول عمرها بالطقس الدينى مش بالستايل ، فلحد متوصل لشكل معين من الدقن مع ستايل لبس واضح إنه مش بتاع شيوخ هنسمع الكلمة دى كتير .

sheeikh.jpg

• الهرش !
أيوووة ... بعض الرجالة بشرتهم مبتستحملش وجود الدقن الكثيفة وبتبتدى تحس بإلتهابات فى البشرة خصوصاً لو أهملت فى الغسيل والنضافة لفترة طويلة ، ودلوقتى إخترعوا مستحضرات نجميل وكريمات وزيوت خاصة بالعناية بالدقن والبشرة !

Shampoo_large.jpg

لو عندك مواقف حصلتلك بسبب دقنك او مواقف معينة إحكيهالنا يامعلم ..


شارك هذا المقال: