5 أسباب لتعاطف المصريين مع كرواتيا من ضمنهم محمد صلاح

فريق راجل. دوت كوم


معظم المصريين كانوا بيشجعوا منتخب كرواتيا ضد المنتخب الإنجليزى فى مباراة قبل النهائي لكأس العالم المقام حالياً فى روسيا ، واللى بالفعل حجزت كرواتيا مكانها في النهائي جمب فرنسا والعالم كله مستني يشوف مين فيهم هيكون بطل نسخة 2018 :
هنقول على شوية أسباب ممكن تكون دفعت المصريين لتشجيع الكروات أكتر من  إنجلترا :

1 – الفرق الصغيرة
كرواتيا إتأسست سنة 91 يعنى دولة نامية وصغيرة وحديثة العهد ، علشان كدة المصريين بيحبوا يتعاطفوا دايماً مع الطرف الأضعف خصوصاً انها كانت قدام انجلترا الدولة القوية العريقة .

flag-1.jpg


2- هارى كين
وجود هارى كين نجم وقائد الأسود الثلاثة كان عامل سلبي لتعاطف المصريين مع انجلترا ، المصريين عندهم عداوة مع هاري كين لمجرد انه كان بينافس محمد صلاح على لقب هداف الدورى الانجليزى السنة اللى فاتت

12280460041530646849.jpg


3- رئيسة كرواتيا
الحقيقة ده سبب كافى مش بس للمصريين ، لكن العالم كله تعاطف مع الكروات بسبب الرئيسة بتاعتهم وحركاتها وتفاعلها اللطيف جداً بعد كل هدف أو هجمة خطرة فى مباراة دور الثمانية قدام روسيا ، ورغم عدم حضورها لقاء قبل النهائي من الملعب إلا أنها  وعدت بالحضور فى النهائي

kk.jpg

4 – مودريتش
قائد كرواتيا ونجم ريال مدريد المظلوم إعلامياً واللى بيقدم مستويات عالية جداً وعنده شعبية عظيمة حول العالم إكتسبها من هدوءه ومجهوده الجبار

1d934b59c7448ce510c097a719013418.jpg


5- الإكسترا تايم
كرواتيا لعبت إكستر تايم قدام الدنمارك فى دور الـ 16 وقدام روسيا فى دور الــ 8 و كمان قدام إنجلترا فى دور الــ 4  يعنى مجهود جبار ولياقة بدنية العالم كله متفاجئ بيها علشان كدة المصريين تعاطفوا معاهم وشجعوهم على القهاوى والكافيهات وبيتمنوا ياخدو البطولة

506.jpg

تفتكر كرواتيا فعلاً هتتوج باللقب ؟



شارك هذا المقال: