أربعة فى مهمة أزيائية .. يا رجالتك يا مصر !

فريق راجل. دوت كوم

أعلنت علامة صناعة الأزياء المصرية Concrete عن حملة جديدة نالت إعجاب كل الناس تقريباً لعدة أسباب أهمها :

 مصرى 100 %

17522577_1466769773344833_794832743200228233_n.jpg

عادة العلامات التجارية بتاعت الموضة بتستعين بموديل أوروبى أو أمريكى للترويج لمنتجاتهم وأزيائهم على صفحاتهم ومنتجاتهم وفى الأعلانات الخارجية وخلافه .. لكن لأول مرة brand مصرى يختار رجالة مصريين علشان يكونوا الواجهة الإعلانية بتاعته ... ودى حاجة تستحق الإعجاب وبتقول إن المصريين مش قليلين فى حاجة خالص !

 التنوع

17523086_1466796176675526_4598947007960137186_n.jpg

إختيار أبطال الحملة بعناية شديدة وتنوع لطيف خلى الحملة تخطف النظر بشكل كبير بداية من الجان الأسمر أبو شعر مفلفل آسر ياسين للأبيضانى الطويل أبو دقن وشعر ناعم أحمد حاتم ومعاهم بطل من أبطال الرياضة رامى عاشور بطل العالم فى الاسكواش و الرابع على مظهر King of Fitness !

 ال Budget

17553784_1466781860010291_8649257838342354409_n.jpg

حملات كتير جداً بتكون أفكارها حلوة ومبتكرة ولكن قلة الإمكانيات بتقتلها وبتأثر على إنتشارها ... وده الحاجة اللى concrete معملتهاش فى الحملة الناجحة من اول يوم .. لأن الصرف باين بصراحة والإعلانات مغرقة الدنيا .. وهو ده الإنتشار الصح اللى يكمل الفكرة الملعوبة بحرفنة !

وبعيدأ عن كل الأسباب دى كفاية إنهم رجعوا للراجل المصرى هيبته وشياكته .. بنات مصر الآن عندهم مرجعية لمواصفات الراجل المصرى ( المز ) .. إنه مش فرفور ولا بيلبس حاجات مقطعة طول الوقت ... لكن بشوية إهتمام بمظهره وأناقته والحاجة اللى تليق عليه هيبقا أجدع من أجدعها موديل أجنبى !

17361653_1466795266675617_5283317576040869904_n.jpg

شكراُ concrete على الفكرة وإستعانتهم بمصريين وإنهم مقلدوش حد ..

تفتكر مين كان ممكن ينضم للحملة دى من الرجالة المصريين تانى غير الأربعة دول ؟


شارك هذا المقال: