أسباب تخلى شيرين تستخبي اليومين دول !

فريق راجل. دوت كوم


مواقع السوشال ميديا حالباً بتشن هجوم كبير جداً على المطربة شيرين عبد الوهاب وخاصة جمهور الهضبة عمرو دياب ، وده بعد انتشار فيديو مسرب لشيرين وهي ( على راحتها ) فى فرح عمرو يوسف وكندة علوش وبتقول كلام وصفه البعض بإنه إهانه لنجم كبير زى عمرو دياب رغم عدم تفوهها بده صراحة ولكن التلميحات كانت واضحة !

20151011_120306_5757.jpg

شيرين كانت بتشكر فى تامر حسنى ومحمد حماقي بإعتبارهم نجوم مصر فى الوقت الحالى على حد وصفها وقالت باللفظ اما التاني راحت عليه خلاص وكبر ومفيش غيركم ... فى إشارة واضحة لعمرو دياب وشعبيته اللى شيرين شايفاها بتقل لحساب تامر وحماقي ...

كمان شيرين خلطت بين اسم عبد الحليم حافظ ومحمد عبد الوهاب وقالت عبد الوهاب حافظ وده برضو خلى ناس تانيه تهاجمها بعيد عن جمهور عمرو دياب اللي شن حملات ضد شيرين ...

شيرين مش بس بتتعرض لهجوم بسبب الموقف ده ولكن هي زودت الطين بله ... لأن الجمهور كان بيهاجمها وبيهاجم برنامجها الجديد شيري ستوديو بضراوة وبيقولوا انه مجرد مسخ لبرامج تانية وده بعد ظهور اول حلقة للنور وكان معاها كندة علوش وبوسي وأحمد فهمي .. والجمهور قالوا ان   االحلقة كانت اسئلتها مكررة جداً وان الإعداد كان ضعيف رغم الديكور !

hqdefault.jpg

شيرين قبل كده مستحملتش الضغط وقررت تعتزل ، وبعدين رجعت فى كلامها .. تفتكروا هتقدر تتحمل الهجمات دى ولا الأفضل انها تستخبي اليومين دول لحد الناس ماتنسي !


شارك هذا المقال: