إشترى نفسك قبل ماتشترى لـ عربيتك

أحمد صلاح

اكسسوارات كتير ممكن تروح تشتريها وفاكر انها هاتريحك او هاتظبط بيها عربيتك وفى الاخر تطلع فى منتهى الخطورة ولازم ننوه عليها عشان تاخد بالك منها ..طب زى ايه ؟؟

السكاته

AmSafe_Airbag_Deployed_GA_Image_Hi-res.jpg

ودى ناس كتير بيشتروها من اى محل اكسسوارات ب 30 جنيه عشان يستريحوا من صوت الانذار بتاع حزام الامان , لان زى ماحنا عارفين محدش بيحب يلبس الحزام ويفضل متكتف فى العربيه ... بس الناس دى للاسف مايعرفوش ان الاكسسوار دا ممكن يكون سبب موتك فى حاله لاقدر الله حصلت اى حادثه .. طب ليه ؟ لان فى حاله حدوث حادثه والايرباج فتح فانت بالطريقه دى مش هتكون ثابت على الكرسى وممكن الايرباج بدل مايحميك ممكن يوجهك ناحيه اليمين او الشمال وبكده هتكون فى خطوره كبيره عليك

حامل الموبايل المعدنى

62.jpg

او اى اكسسوار بيتعلق على تابلوه العربيه وخاصه لو كان وزن تقيل .. لان مع اى حادثه او حركه غير متوقعه للعربيه الاكسسوارات دى مع تسارع العربيه والصدمه ممكن تكون اكتر خطوره من الاسلحه الحاده .. فعودو نفسكم دايما انك تبعد اى حاجه متحركه عن تابلوه العربيه او حتى ورا عند

السماعات

ميداليه المفاتيح

mk23101_keychain-2-.jpg

اول حاجه بتيجى فى بالنا لما نشترى العربيه اننا نحط مفتاحها فى ميداليه شيك وخاصه لو معدن , دا بالاضافه انك بتقوم حاطط كل مفاتيح حياتك فى الميداليه دى وده خطر جدا لما يكون المفتاح فى الكونتاكت عشان بيعمل حمل عليه فممكن اما انه يتلف الكونتاكت بعد فتره او لو فيه مطب كبير او نقره فى الطريق ممكن تخلى الميداليه تتحرك وتقوم عامله الكونتاكت بوش .. وساعتها تقف الفرامل ويقف البوار وطبعا دى حاجه فى منتهى الخطوره .. وتلاقى شكاوى من ناس كتير بان العربيه بتقف لوحدها وهيا على الطريق .. وده يكون السبب

الدلايات على مرايا الصالون

-font-b-Car-b-font-styling-Diamond-font-b-Bling-b-font-Crystal-font-b.jpg

الدلايات دى خطورتها انها وهيا قاعده تتهز طول مانت سايق بتبعد تركيزك عن الجزء ده .. وبكده لو اى حد بيعدى الطريق من بعيد فانت ممكن تفتكره الدلايه .. فياريت لو هاتحط حاجه حط حاجه رقيقه ماتعوقشى الرؤيه

ازازه المايه

2017_7_14_20_36_43_542.jpg

ودى من الحاجات اللى ممكن كتير ممنا بياخد باله منها ويعرف مدى خطوتها وهيا ان ازازه المايه تنزل تجرى تحت الدواسه ووماتخلكشى تعرف تدوس على الفرامل او اى دواسه تانيه وانت ماشى بالعربيه


شارك هذا المقال: