مهرجان القاهرة مش للفساتين بس !

فريق راجل. دوت كوم
شارك هذا المقال:


كل سنة فى نفس المعاد بيتم عقد مهرجان القاهرة السينمائي الدولى والسنة دي حفل إفتتاح النسخة الــ 38 كان كالعادة معظم الإهتمام بفساتين الفنانات المشاركات فى حفل الإفتتاح

resize.jpg

لكن الحقيقة حفل إفتتاح المهرجان السنة دي كان فيه أكتر من نقطة مضيئة :

محمود عبد العزيز
الساحر توفي قبل الإفتتاح بكام يوم وتم إهداء فعاليات المهرجان كلها لإسم الفنان الراحل ووقف الحضور دقيقة حداد على روحه وأصبح الدورة الثامنة والثلاين تحمل إسم الساحر

MLZ.jpg

حلمي وإحترامه للمرأة
تم تكريم الفنان المصري أحمد حلمى بجائزة فاتن حمامة وألقي كلمة مؤثرة جداً وموفقة جداً بينت إحترامه للمرأة بشكل كبير لما قال ان تكريمه بيزداد قيمة لأنه بيحمل إسم واحده ست وهي فاتن حمامة ، وكمان تمالك دموعه بالعافية لما ذكر إسم محمود عبد العزيز .

1479239058607.jpg

إحترام المرأة مكمل معانا
المهرجان السنة دي عرض لأول مرة فيلم يوم للستات للمخرجة كاملة أبو ذكرى من بطولة وإنتاج إلهام شاهين وبطولة محمود حميدة وفاروق الفيشاوي وأحمد الفيشاوي ونيللي كريم وناهد السباعي ، ولاقي ردود افعال كويسة جداً من الحضور اللى شافوه فى الجزء التانى من حفل الإفتتاح وبيتكلم عن الضغوط اللى بتتعرض ليها الستات فى مصر بشكل عام

91404e727e017bcd0bacb05e0a8db2e0.jpg

200 فيلم
إذا كانت العيون كلها امبارح كانت مركزة على الفساتين ومين وقعت ومين حضرت ومين مجتش ، إلا آن العيون المفترض بعد كدة انها تركز على مشاهدة الإبداعات المختلفة اللى هيعرضها المهرجان اللى بيشارك فيه السنة دى 200 فيلم مختلف موزعة على أقسامه العشرة المختلفة ومن بينها 16 فيلما في المسابقة الدولية و8 أفلام في مسابقة آفاق عربية و35 فيلما في مسابقة سينما الغد للأفلام القصيرة و9 أفلام في القسم الرسمي خارج المسابقة و7 أفلام في مسابقة أسبوع النقاد.