غالى يعلق الحذاء .. أرجل من لعب كرة القدم

فريق راجل. دوت كوم


حسام غالي لاعب النادى الاهلى ومنتخب مصر حالياً وتوتنهام الإنجليزى وأياكس الهولندى وليرس البلجيكى السابق قرر انه يعلق حذاؤه

الكابيتانو كما يحلو للأهلاوية تسميته قرر انهاء مسيرته الطويلة فى بداية شهر مايو 2018 فى مهرجان اعتزال كبير

كل فترة كانت  بتدور حواليه إشاعات وكلام من نوع إنه عصبي وبيشتم اللاعيبة زمايله فى الملعب فى نفس الوقت اللى كتير من اللى عاصروه نفوا ده تماماُ ..

64df35gh4-650x325.jpg

الغيرة والحماس ممكن تقلب للعكس ؟
غالى من نوعية اللاعيبة الرجالة فى الملعب اللى بتفوت على الكسل اى فرصة مبيسيبش مجهود من غير مايبذله وليه لقطات ومواقف كتير بتدل على كدة ..

البعض بيعيب على غالي حماسه الزيادة عن اللزوم .. اه لازم تتحمس وتبقا غيران على فرقتك وعلى نفسك بس كل حاجة بحدود .. تهور غالى قبل كدة فى رحلته الاحترافيه لما رما تيشرت توتنهام على الارض اعتراضاً على التغيير غير مسار حياته تماماً من لاعب محترف مشهور وعالمى للاعب محلى جوة مصر ..

وف نفس الوقت غيرته وتهوره احياناً فى الملعب ياما كسبت فريقه وخلت زمايله ياكلو النجيله يا اما بتعليماته وزعيقه يا اما كسوف من ان الكابتن بيمرمط نفسه واحنا منعملش زيه ..


ازمة اخيرة واجهت غالى مع جهاز المنتخب اللى استبعده لانه دافع عن بعض من زمايله الاهلاوية داخل معسكر من المعسكرات 

.. الناس حولتها لأهلى وزمالك .. وللأسف حسام غالى مش هيتوج مسيرته بإنه يلعب فى المونديال

لو جتلك فرصة توجه كلمة للكابيتانو الغالى بمناسبة اعتزاله هتقوله إيه ؟


شارك هذا المقال: