روشتة للتخلص من 10 أخطاء قاتلة لأى بيزنس خاص

أحمد سامي
شارك هذا المقال:

لو انت مهتم تبدأ البيزنس الخاص بيك , في شوية مفاهيم خاطئة و قرارات لازم تتجنبها , هنحاول نساعدك بأننا نديك روشتة مختصرة لأهم أسباب فشل مشروعك .


1. تقديم منتج ماحدش محتاجه:

أكثر سبب لفشل الشركات الناشئة هو عدم تقديمها لمنتج وخدمة بيحتاجها الناس.

2. عدم تحديد جمهور مستهدَف:

ماتتوقعش أبدًا أن منتَجَك مفيد لكل الناس لازم تعمل دراسة للمنتَج مِن وجهة نظر المستخدِم عشان تعرف تحدد الجمهور المستهدَف، اللي هايشتري منتجك.

3. عدم تفعيل البيع والتسويق بشكل صحيح:

كتير شايف أن فكرة مشروعه عبقرية، وانها هاتبيع نفسها وتجبله الملايين، وبينسوا أن أهم عامل في نجاح البيزنس هو التسويق الصح .

4. تجاهل وسائل التواصل الاجتماعي:

مش محتاجين نقول اننا بقينا في عصر أصبحت فيه وسائل التواصل الاجتماعي هي الشغل الشاغل لمعظم الأشخاص، حتى لو كان منتجك مش بيتباع من خلال ال social media فعلى الأقل أنك تتواصل مع عملائك وتسمع رأيهم .

business-1477601_960_720.jpg

5. الاهتمام بالقطاعات الهامشية:

كتير من أصحاب المشاريع الناشئة بيصب تركيزه ورأس ماله في موضوعات هامشية، ليست ضرورية، ويمكن تأجيلها، ويخفق في الاهتمام بالقطاعات الأساسية؛ مثالٌ: مَن يهتم أحيانا بشكل وديكور المكاتب والشركة وأعداد الموظفين، ولا يهتم بمواصفات المنتَج الذي يقدمه وجودته ومدى جدواه في سوق العمل.

6. توظيف موظفين غير أَكْفَاء:

الموظف الكفء والمجتهد هو سر نجاح المشروع، لازم تبعد عن التوظيف المرتبط بالوساطة والقرابة ، والأهم أن يكون التوظيف بِناءً على معايير واضحة وصريحة، وبعد اجتياز اختبارات ومقابلات شخصية بتحدد مِن خلالها ميول واهتمامات الشخص اللي هاتوظفه.

7. المعاندة:

مفيش شك أن التمسك بالرؤية والإصرار على تنفيذها حاجة مهمة، لكن الموضوع مش ميدالية ذهبية عايز تحصل عليها، لازم تبقي مرن مع السوق، فاماتستمرش في دعم فكرة فاشلة لمجرد انك شايفها صح، وخلي بالك في شعرة بسيطة بتفرق بين المعاندة والصبر.

8. عدم التأكد من وجود أموال كافية للاستمرار:

الصرف دون التخطيط السليم ممكن يخلي مشروعك يفشل حتي ولو بتبيع كويس، ضروري تعمل خريطة تدفق نقدي موازية لخطة التنفيذ والبيع

9. اختيار موقع سيء للمشروع:

موقع المشروع من الأمور المهمة جدًا، وبنحدده بعناية بعد دراسة الفئة المستهدفة من العملاء وتحديد الموقع المناسب لهم .

business-1839191_960_720.jpg

10. إعطاء نصف الجهد المستحق للمشروع «نصف البال – نصف العقل – نصف القلب»:

أشهر الشركات الواعدة واللي فشلت، كان فشلها في الأغلب مش بسبب قرارات اتخذتها؛ لكن بسبب قرارات ماتنفذتش، وده بسبب عدم التركيز التام.
لو عيز تتجنب فشل شركتك ,بننصحك تستقيل من وظيفتك النهارية، وتتفرغ تماما للشركة الناشئة، عشان نصف الجهد هايديك نصف النتيجة.