الفشكلة ليها أصول

أحمد سامي


من اكتر القرارات الرخمة علي قلب اي راجل ,عندما يأتي الوقت لكي يقول باي باي الي الفتاة التي كان مرتبط بيها سواء خطيبته او جيرل فريند.

هنا ياتيك احساس بالخنقة و ارتباك حاد في المعدة و هذا الارتباك قد ياتي مع ضيق تنفس و غباء شديد. و لكن هناك بعض الرجال بيقولوا باي باي كانه شيء بيعملوه كل يوم الصبح مع فنجان القهوة.

فيه شوية حاجات لازم تحطها في الاعتبار و انت بتفركش المواضيع و دول شوية منهم:

1-ياريت و انت بتقولها باي باي ,ابعد تماما عن الصورة الي انت راسمها لنفسك انك اعظم انسان علي وجه الكون (تامر حسني) ومتسرقش منها اللحظة الي ممكن تلدعك فيها بالقلم على خلقتك و تقولك اه يا حيوان يا غشاش و طبعا كل ده مطعم ببعض الدموع الفريش الي بتدي جو رومانسي جميل.

mai-9.jpg

2- تجنب بقي الاقاويل الشهيرة بتاعت العيب فيا انا, او انت كتير عليا, او انت مافيكيش حاجة انا اللي بلا بلا بلا ,هي اصلا منيلة بنيلة و انت مبتحبهاش , امال بتسيبها ليه؟؟؟

او الاكتر بقي انك تفضل تعاملها بقرف و تتخانق معاها عشان تخليها هي الي تسيبك و بعض الحالات بتسيبك و تسبّلك الا بقي اذا كانت ريداااك هاتسبّلك بس ..... الحل الوحيد انك تكون شديد الصراحة و الرجولة و تقولها احنا لازم نسيب بعض عشان مندمرش بعض (بصوت خافت مثل اسامة منير)

10402514_7298773904.jpg

3- خد في الاعتبار انها ممكن تكون هي اصلا مش طايقة الي جابوك و هي الي عاوزاك تسيبها بس خايفة من رد فعلك!!
و لو انت سيبتها هاتعمل لولولولوليييي فررررح

avatar.jpg

4-اقطع عرق و سيح دمه متقعدش بقي تقولها هانفضل صحاب و نكلم بعض و تكلمها تسال علي امها و الحورات الفكسانة دي. اقلب الصفحة و امشي لو شفتها حتي سلّم عادي و خليك سبور.

ahmadzaher.png

5 -يقال ان (جون كنيدي) كان بيبعت باقات ورد للستات اللي كان بقولها باي باي, احنا مش هانقدر نجزم ان ده حصل فعلا ,الله اعلم و لكن لو حصل يبقي خراب بيوت مستعجل و لكن احنا ممكن ناخد حكمة من الفكرة اللي ورا الورد.

Marilyn-Monroe-And-.jpg

6 - او ممكن بقي تفكك من الشغل ده و تتبع الاساليب القديمة بتاعة حلي عني,انا مبحبكيش,غوري بقي يا شيخة في داهية و انت بتزقها من وشها .....

_640x_98d6ce58836df.jpg
7 - او تكبر دماغك و منين ماتكلمك مترودش عليها و حول الستاتس بتاعك على الفايس بوك لسينجل و اعملها ريموف.


شارك هذا المقال: