لأصحاب المزاج .. شاهين ولا عبد المعبود ؟

أحمد صلاح

أكتر ناس بتعانى فعلاً فى رمضان وخاصه فى فتره الصيام هما مدمنين القهوة .. اللى اتعود اول مايصحى من النوم قبل الشغل او المذاكره قبل مايفتح عينه يقوم محضر فنجان القهوة التمام عشان يقدر يكمل اليوم .. الناس دى بتعانى حرفيا فى رمضان لان خلاص القهوة بالنسباله اسلوب حياه ولما بينزل من غير مايضرب الفنجان بتاعه بيبقى اليوم كسل فى كسل .. ومابيصدق يفطر ويقوم بعديها شارب فنجان القهوه اللى وحشه ..

aroma-1239229_960_720.jpg


طيب ايه افضل بن يتعمل بيه فنجان القهوه .. فيه شركات كتير ومفيش اجماع على نوع بعينه .. بس تعالو اوريكم نتايج استقصاء رأى كان على السوشيال ميديا لاهم 4 انواع بن

بن العميد

ALAMEEDC-350x350-product_main.jpg
اكتر من النص تقريبا اختاروا بن العميد بس خلى بالك افضل جوده لبن العميد المستورد وهتلاقى الربع فى حدود 150 جنيه

بن الديش ويش ( death wish)

61i7kNORWML-_SY355_.jpg

غاليه شويه والربع كيلو بتاعها تقريبا ب 200 جنيه ويعتبر سعره غالى عن بقيت الانواع


بن كولومبى غامق

1-100.jpg


دا هتلاقيه موجود فى اى محمصه بس حاول تكون محمصه البن اللى عنده جودته حلوه بس خلى بالك البن الكولومبى الغامق هاتحبه لو انت مدمن قهوة وهتكيفك صح


بن شاهين

1-120-3-.jpg


وده يعتبر سعره كويس اوى لان الربع كيلو بيبدأ من 35 جنيه لغايه 60 جنيه على حسب النوع نفسه

عبد المعبود

abdel-maboud.jpg

برضو من أشهر أنواع البن اللى في مصر .. ناس كتير بتشتريه علشان أسعاره قبل جودته وبعدين بيتعودوا على الجودة والطعم بتوعه وسعر الكيلو فيه من 100 ل 170 جنيه حسب النوع والنكهات

انت بقا لو كييف بن إدينى نصيحتك


شارك هذا المقال: